അമിത ലഹരി ഉപയോഗിച്ച ബോളിവുഡ് സഹനടി മരിച്ചു
സുഹൃത്തുക്കള്ക്കൊപ്പമുള്ള പാര്ട്ടിയില് അമിതമായ മയക്കുമരുന്ന ഉപയോഗിച്ച ബോളിവുഡ് സഹനടി മരണമടഞ്ഞു. മുംബൈ സ്വദേശി റുക്സര് ഖാന് ആണ് മരണമടഞ്ഞത്. എന്നാല് റുക്സറിന്റെ മരണത്തില് ദുരൂഹതയുണ്ടെന്ന് കുടുംബാംഗങ്ങള് ആരോപിച്ചു.
സിനിമ ഇന്ഡസ്ട്രിയിലുള്ള മൂന്ന് സുഹൃത്തുക്കള്ക്കൊപ്പമാണ് റുക്സര് പാര്ട്ടി സംഘടിപ്പിച്ചത്. പായല്, തൗഹിദ്, സമീര് എന്നിവരാണ് പാര്ട്ടിയില് പങ്കെടുത്ത മറ്റുള്ളവര്. ഇതില് പായല് വാടകയ്ക്ക് എടുത്ത വീട്ടിലാണ് പാര്ട്ടി നടന്നത്.
വെളുപ്പിന് രണ്ടുമണിക്ക് പായല് കുറച്ച് ബിയര് കാനുകളുമായി സ്വന്തം വീട്ടിലേക്ക് പോവുകയായിരുന്നു. ആ സമയത്ത് പാര്ട്ടി തുടര്ന്നുകൊണ്ടേയിരുന്നു. ഇതെല്ലാം കഴിഞ്ഞ് ഉറങ്ങാന് കിടന്ന റുക്സര് നേരം വെളുത്തിട്ടും ഉണര്ന്നില്ല. പാര്ട്ടിയുടെ ക്ഷീണം കാരണമാവാം ഉണരാത്തതെന്ന് കരുതിയ സുഹൃത്തുക്കള് സ്വന്തം വീടുകളിലേക്ക് മടങ്ങി. എന്നാല് പിന്നീട് ഫോണ് വിളിച്ചിട്ടും റുക്സറിന്റെ പ്രതികരണം ഉണ്ടാകാതിരുന്നതാണ് മരണവിവരം പുറത്താകാന് ഇടയായത്.
തിരികെ വാടക വീട്ടിലെത്തിയ സുഹൃത്തുക്കള് റുക്സറിനെ മരിച്ച നിലയില് കണ്ടെത്തുകയായിരുന്നു. തുടര്ന്ന് വിവരം പോലീസിനെ അറിയിക്കുകയും പോലീസ് എത്തി സുഹൃത്തുക്കളില്നിന്ന് വിവരം ശേഖരിക്കുകയും ചെയ്തു. അങ്ങിനെയാണ് അമിത ലഹരി ഉപയോഗമാണ് മരണകാരണമെന്ന നിഗമനത്തില് പോലീസിനെ എത്തിച്ചത്.
എന്നാല് തങ്ങളുടെ മകള് ലഹരി ഉപയോഗിക്കില്ലെന്നും മരണത്തില് ദുരൂഹതയുണ്ടെന്നുമുള്ള നിലപാടിലാണ് റുക്സറിന്റെ കുടുംബം. മറ്റേതെങ്കിലും രീതിയില് റുക്സറിന് ലഹരി നല്കി ബോധം നശിപ്പിച്ചശേഷം ലൈംഗികമായി ഉപയോഗിച്ച് കൊലപ്പെടുത്തിയതാണെന്ന സംശയമാണ് കുടുംബം ഉന്നയിക്കുന്നത്. പോലീസ് മരണം സ്ഥിരീകരിച്ച് ഒരു ദിവസത്തിന് ശേഷമാണ് സംഭവം കുടുംബത്തെ അറിയിക്കുന്നത്. കൂടാതെ റുക്സറിന്റെ വസ്ത്രം മാറിയിരുന്നതായും ഇത് കൊലപാതകമെന്ന സൂചന ഉറപ്പിക്കുന്നതായും കുടുംബാംഗങ്ങള് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha