ചുംബിക്കാന്‍ എല്ലാവര്‍ക്കും അവകാശമുണ്ട്. എന്നാല്‍ പൊതുവെ വിവാഹം കഴിഞ്ഞാല്‍ നടിമാര്‍ ചുംബന കിടപ്പറ രംഗങ്ങളില്‍ നിന്ന് ഓഴിവാകാറാണുള്ളത്. വിവാഹം കഴിഞ്ഞും കിടപ്പറ രംഗങ്ങള്‍ തുടരാന്‍ തന്നെയാണ് ബോളിവുഡ് നടി കരീനാ കപൂറിന്റെ തീരുമാനം.
പണ്ട് ഭര്‍ത്താവ് സെയ്ഫ് അലി ഖാനുമായി വളരെ സെയ്ഫായി ചെയ്തിരുന്ന കാര്യം ഇപ്പോള്‍ അര്‍ജുന്‍ കപൂറുമായി താരം ചെയ്തിരിക്കുകയാണ്. ഇരുവരും ഒന്നിക്കുന്ന പുതിയ ചിത്രം കി ആന്റ് കാ യ്ക്ക് വേണ്ടിയിരുന്നു ചുംബന രംഗം. ഇതാകട്ടെ അണിയറക്കാര്‍ പോസ്റ്ററിലും മറ്റും ഉപയോഗിച്ചിരിക്കുകയാണ്. ഇത് ഒരു പക്ഷേ പോസ്റ്ററാകുമെന്ന് ഊഹിച്ചിരുന്നെങ്കിലും അതൊരു വല്യ കാര്യമായി കണക്കാക്കാനൊന്നും താരത്തിന് പദ്ധതിയില്ല. തങ്ങള്‍ അസാധാരണക്കാരായ ദമ്പതികളായിട്ടാണ് സിനിമയില്‍. അങ്ങിനെയുള്ള ഒരു ദമ്പതികള്‍ ഇത് ചെയ്തില്ലെങ്കില്‍ പിന്നെ ആര് അക്കാര്യം ചെയ്യുമെന്ന് കരീന പറയുന്നു.
സെയ്ഫിനെ വിവാഹം കഴിച്ച് കുടുംബിനി ആയെങ്കിലും താനോ സെയ്‌ഫോ സിനിമയില്‍ ചുംബിക്കില്ലെന്ന് ഒരിക്കലും പറഞ്ഞിട്ടില്ല. ചുംബനമില്ലാതെ ഒരു പ്രണയമുണ്ടോ എന്ന് ചോദിച്ച കരീന ഇന്ത്യന്‍ സിനിമാചരിത്രം ഇക്കാര്യം തെളിയിച്ചിട്ടുള്ളതാണെന്നും പറയുന്നു. സിനിമയില്‍ ഗൃഹനാഥനായി അര്‍ജുന്‍ കപൂര്‍ തകര്‍പ്പന്‍ പ്രകടനം നടത്തിയെന്നും കരീന പറയുന്നു. പോസ്റ്റര്‍ പുറത്തുവന്ന സിനിമയുടെ ട്രെയിലര്‍ തിങ്കളാഴ്ച പുറത്തുവിടും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha