ദൃശ്യത്തിലൂടെ തിളങ്ങിയ അന്‍സിബ ഹസന്‍, വിശ്വാസം അതല്ലേ എല്ലാം എന്ന ചിത്രത്തില്‍ നായികയാകുന്നു. ഇതിഹാസ നായകന്‍ ഷൈന്‍ ടോം ചാക്കോയാണു മുഖ്യകഥാപാത്രമാകുന്നത്. പ്രെയ്‌സ് ദി ലോര്‍ഡ് എന്ന ചിത്രത്തിലൂടെ മലയാളത്തിലെത്തിയ ആകാന്‍ഷ പുരിയും അന്‍സിബയ്‌ക്കൊപ്പം മറ്റൊരു പ്രധാന വേഷത്തിലെത്തുന്നുണ്ട്. ഒരു പോലീസ് സൂപ്രണ്ടിന്റെ മകനായാണു ഷൈന്‍ ടോം എത്തുന്നത്.
സംവിധായകനായ ജയരാജ് വിജയന്‍ തന്നെയാണു ചിത്രത്തിനു കഥയും തിരക്കഥയും ഒരുക്കുന്നത്. ചിത്രം പൂര്‍ണമായും എന്റര്‍ടൈന്‍മെന്റായിരിക്കുമെന്നു സംവിധായകന്‍ പറഞ്ഞു.
കലാഭവന്‍ ഷാജോണ്‍, മനോജ് കെ. ജയന്‍, വിജയരാഘവന്‍, ശങ്കര്‍, സുനില്‍ സുഖദ എന്നിവരാണ് ചിത്രത്തിലെ മറ്റു താരങ്ങള്‍. കാവ്യ മാധവന്‍ നായികയായ ഷീ ടാക്‌സിയിലാണ് അന്‍സിബ ഇപ്പോള്‍ അഭിനയിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha