മലയാളത്തിന്റെ പ്രിയ നടന്‍ പൃഥ്വിരാജിന് ഒരു ആഗ്രഹം. ഇനി സിനിമയില്‍ അഭിനയം മാത്രം നോക്കിയാല്‍ പോരാ മറിച്ച് സംവിധാനം കൂടി കൈകാര്യം ചെയ്യണമെന്ന് അതിയായ ആഗ്രഹം. പൃഥ്വിന്റെ ഈ ആഗ്രഹം സഫലമാകുമോ എന്ന് കാത്തിരുന്ന് തന്നെ കാണണം. യുവതലമുറയുടെ പ്രിയ നായകനാണല്ലോ പൃഥ്വിരാജ്. മലയാള സിനിമയിലെ വളരെ സെലക്ടീവായ നടന്മാരില്‍ ഒരാളാണ് പൃഥ്വിരാജ് എന്ന ഈ താരം. അധികം താമസിക്കാതെ താന്‍ സംവിധാനത്തിലേക്ക് തിരിയുമെന്ന് പൃഥ്വി തന്നെയാണ് ഇപ്പോള്‍ വ്യക്തമാക്കിയിരിക്കുന്നത്. സംവിധായകന്റെ കിരീടം അണിയുക എന്നത് ഏതൊരു നടന്റെയും അതിയായ ആഗ്രഹമല്ലേ. ഇതിനു മുന്‍പും സംവിധായകനാകാനുള്ള ആഗ്രഹം പൃഥ്വി പ്രകടിപ്പിച്ചിട്ടുണ്ട്.

സപ്തമശ്രീ തസ്‌ക്കരാ: എന്ന ചിത്രത്തില്‍ ആസിഫ് അലിയുടെ സ്റ്റണ്ട് സീനിന്റെ ഒരു ഭാഗം സംവിധാനം ചെയ്തത് പൃഥ്വിരാജായിരുന്നു. അന്ന് പൃഥ്വിരാജിന് സംവിധായകനാകാനുള്ള കഴിവുണ്ടെന്ന് ചിത്രത്തിന്റെ സംവിധായകനായ അനില്‍ രാധാകൃഷ്ണന്‍ പ്രശംസിച്ചിരുന്നു. ഈ സംവിധായകന്റെ പ്രശംസ കൂടിയായപ്പോള്‍ പൃഥ്വിവിന്റെ സംവിധാനം ചെയ്യാനുള്ള ആഗ്രഹം കൂടുതലായി കാണണം. പൃഥ്വിയുടെ അവസാനം പുറത്തിറങ്ങിയ ചിത്രം മേജര്‍ രവി സംവിധാനം ചെയ്ത പിക്കറ്റ് 43 ആണ്. ഉടന്‍ തന്നെ ഈ താരം നമ്മുടെയിടയില്‍ നടനായി മാത്രമല്ല സംവിധായകനായും തിളങ്ങുമെന്ന് തന്നെ പ്രതീക്ഷിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha