ദിലീപിന്റെ നായിക അനുഷ്ക്ക ഷെട്ടി
തെന്നിന്ത്യന് നായിക അനുഷ്ക്കാ ഷെട്ടി നമ്മുടെ സ്വന്തം ജനപ്രിയ നായകന് ദിലീപിന് ഒപ്പം അഭിനയിക്കുന്നു. തെലുങ്കിലെ സൂപ്പര്ഹിറ്റ് സംവിധായകന് കോടി രാമകൃഷ്ണ സംവിധാനം ചെയ്യുന്ന സായിബാബയുടെ ജീവിതത്തെ ആസ്പദമാക്കി ഒരുക്കുന്ന ബാബാ സത്യസായി യിലാണ് അനുഷ്ക്ക ദിലീപിനൊപ്പം എത്തുന്നത്.
അതേസമയം ചിത്രത്തില് അനുഷ്ക്കയുടെ കഥാപാത്രത്തെക്കുറിച്ച് വ്യക്തമായ ധാരണ ഇതുവരെ പുറത്തു വന്നിട്ടില്ല. എന്നാല് ഒരു ഭക്തയായിട്ടായിരിക്കും താരമെത്തുന്നത് എന്ന് കേള്ക്കുന്നുണ്ട്. ജൂണില് ഹൈദരാബാദില് ചിത്രം തുടങ്ങുമ്പോള് മാത്രമേ കൂടുതല് വിവരങ്ങള് വ്യക്തമാകു. അതേസമയം സായിബാബയുടെ 22 വയസ്സ് മുതല് 84 ാം വയസിലെ സമാധി വരെ പറയുന്ന ചിത്രത്തില് സായിബാബയുടെ മാതാവിന്റെ വേഷത്തില് എത്തുന്നത് ബോളിവുഡ് താരം ജയപ്രദയാണ്.
തമിഴിലും തെലുങ്കിലുമായി തിരക്കോട് തിരക്കുകളുമായി ഓടുന്ന അനുഷ്ക്കാഷെട്ടി രജനീകാന്ത് നായകനായ ലിങ്കയിലാണ് ഒടുവില് നായികയായത്. സിനിമയില് ശ്രീജിത് വിജയ് യും ഒരു പ്രധാനവേഷം ചെയ്യുന്നുണ്ട്. ഇംഗഌഷ്, ഹിന്ദി ഭാഷകള്ക്ക് പുറമേ മറ്റ് ഇന്ത്യന് ഭാഷകളിലും ചിത്രം എത്തുന്നുണ്ട്. സായിബാബയുമായുള്ള സാദൃശ്യമാണ് ദിലീപിനെത്തേടി അവസരം എത്താന് കാരണമായത്. കഥാപാത്രത്തെ അനശ്വരമാക്കുന്നതിനായി സായിബാബയെക്കുറിച്ചുള്ള കഥകളും ചരിത്രങ്ങളും പഠിക്കുകയും മനസ്സിലാക്കുകയും ചെയ്യുന്ന തിരക്കിലാണ് ദിലീപ്
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha