തല്ക്കാലം സംവിധാനം മാത്രം; പ്രണവ് മോഹന്ലാല്
തല്ക്കാലും അഭിനയിക്കാനില്ലെന്ന് പ്രണവ് മോഹന്ലാല്. തന്നെ നായകനാക്കി സിനിമ ഒരുങ്ങുന്നെന്ന വാര്ത്ത വ്യാജമാണെന്നും താരം അറിയിച്ചു. പ്രമുഖ മാധ്യമങ്ങളുടെ ഓണ്ലൈന് പ്രസിദ്ധീകരണങ്ങളാണ് പ്രണവ് മോഹന്ലാല് ഇടിഇന്സ്പെക്ടര് ദാവൂദ് ഇബ്രാഹിം എന്ന ചിത്രത്തില് പോലീസ് ഓഫീസറായി എത്തുന്നുവെന്ന വാര്ത്ത പ്രസിദ്ധീകരിച്ചത്. ഒന്നാമന് എന്ന ചിത്രത്തില് മോഹന്ലാലിന്റെ ബാല്യകാലം അഭിനയിച്ചുകൊണ്ടാണ് പ്രണവ് ക്യാമറയ്ക്ക് മുന്നിലെത്തിയത്. പിന്നീട് പുനര്ജ്ജനി എന്ന ചിത്രത്തില് കേന്ദ്ര കഥാപാത്രമായി. ഏലിയാസ് ജാക്കിയില് മുഖം കാണിച്ചു.
പുനര്ജനി എന്ന ചിത്രത്തിന് മികച്ച ബാലതാരത്തിനുള്ള സംസ്ഥാന പുരസ്കാരം കിട്ടിയിരുന്നു. പിന്നീട് ജീത്തു ജോസഫിന്റെ സംവിധാന സഹായിയായയാണ് സിനിമയിലെത്തിയത്. ദൃശ്യം തമിഴ് പതിപ്പായ പാപനാശത്തിലും ദിലീപിനെ നായകനാക്കി ജീത്തു സംവിധാനം ചെയ്യുന്ന ലൈഫ് ഓഫ് ജോസൂട്ടിയിലും സംവിധാനസഹായിയായിരുന്നു. തല്ക്കാലം അഭിനയരംഗത്തേക്കില്ലെന്നും സംവിധായകനാകുമോ എന്ന കാര്യം തീരുമാനിക്കാനാകില്ലെന്നും പ്രണവ് മുമ്പ് വ്യക്തമാക്കിയിരുന്നു.
അതേസമയം സംവിധാന സഹായിയായി നിന്ന് സിനിമയുടെ എല്ലാവശങ്ങളെക്കുറിച്ചും മനസിലാക്കിയ ശേഷം അഭിനയത്തിലേക്ക് കടക്കാനാണ് പ്രണവിനോട് മോഹന്ലാല് നിര്ദ്ദേശിച്ചതെന്നറിയുന്നു. പ്രിയദര്ശനെ പോലുള്ള സംവിധായകരുടെ ചിത്രങ്ങളില് അഭിനയിച്ചു കൊണ്ടായിരിക്കും പ്രണവ് അരങ്ങേറ്റം നടത്തുകയെന്നും അറിയുന്നു. എന്തായാലും തല്ക്കാലും അഭിനയം ഇല്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha