പുതിയ ചിത്രത്തിന്റെ ഫോട്ടോ ഷൂട്ടില്‍ റിമി ടോമി തകര്‍ത്തുവെന്ന് നടന്‍ ജയറാം പറഞ്ഞു. ഗായികയായ റിമി ടോമി ആദ്യമായി നായികയാകുന്ന തിങ്കള്‍ മുതല്‍ വെള്ളിവരെ എന്ന ചിത്രത്തിന്റെ പ്രമോ ടീസറാണ് പുറത്തിറങ്ങിയത്. കണ്ണന്‍ താമരക്കുളം സംവിധാനം ചെയ്യുന്ന ചിത്രത്തില്‍ ജയറാമാണ് നായകന്‍. ചിത്രത്തിന്റെ ഫോട്ടോ ഷൂട്ടില്‍ തന്നെ റിമി ടോമി അണിയറപ്രവര്‍ത്തകരെ ഞെട്ടിച്ചു എന്നാണ് സൂചന. ജയറാമാണ് റിമിയെ നായികയാകാന്‍ നിര്‍ബദ്ധിച്ചതെന്നാണ് അറിയുന്നത്.
മലയാളി വീട്ടമ്മമാരുടെ ഇഷ്ടവിഷയമായ മെഗാസീരിയല്‍ രംഗമാണ് സിനിമയുടെ പശ്ചാത്തലം. മൂന്ന് മെഗാസീരിയലുകള്‍ ഒരേ സമയം എഴുതികൊണ്ടിരിക്കുന്ന ജയദേവന്‍ ചുങ്കത്തറ എന്ന കഥാപാത്രമാണ് ജയറാമിന്റേത്. അയാളുടെ കഥാപാത്രങ്ങളെ അതിരുവിട്ട് സ്‌നേഹിച്ച് ഒടുവില്‍ ജയദേവന്‍ ചുങ്കത്തറയുടെ ജിവിതത്തിലേക്കെത്തുന്നവളാണ് പുഷ്പവല്ലി എന്ന റിമി ടോമി. മലയാള മെഗാസീരിയല്‍ രംഗത്തെ നിരവധി മുന്‍നിര താരങ്ങള്‍ ഈ ചിത്രത്തില്‍ അഭിനയിക്കുന്നുവെന്ന പ്രത്യേകതയും ഈ ചിത്രത്തിന് ഉണ്ട്. ആന്റോ ജോസഫ് ഫിലിം കമ്പനിയുടെ ബാനറില്‍ ആന്റോ ജോസഫാണ് ചിത്രം നിര്‍മിയ്ക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha