മലയാളത്തിന്റെ പ്രിയ നടി മഞ്ജു വാര്യര്‍ തന്റെ പുതിയ ചിത്രമായ എന്നും എപ്പോഴും എന്ന സിനിമയെ കുറിച്ച് വാതോരാതെ പറയുന്നു. ഒരുപാട് പ്രതീക്ഷകളും ആഗ്രഹങ്ങളും നല്‍കിയ ചിത്രമാണ് സത്യന്‍ അന്തിക്കാട് സംവിധാനം ചെയ്യുന്ന എന്നും എപ്പോഴും എന്ന ചിത്രമെന്ന് മഞ്ജു പറഞ്ഞു. മലയാളികള്‍ ഏറെ പ്രതീക്ഷയോടെ കാത്തിരിക്കുന്ന ചിത്രം കൂടിയാണ് മോഹന്‍ലാല്‍-മഞ്ജുവാര്യര്‍ കൂട്ടുകെട്ടില്‍ പുറത്തിറങ്ങുന്ന എന്നും എപ്പോഴും. ചിത്രത്തിന്റെ അണിയറക്കഥകളും വിശേഷങ്ങളും മഞ്ജു ഫെയ്‌സ് ബുക്കില്‍ പങ്ക് വച്ചു. മഞ്ജുവിന്റെ ഫേസ്ബുക്ക് കുറിപ്പിന്റെ പൂര്‍ണ രൂപം ഇവിടെ വായിക്കാം.

സത്യനങ്കിള്‍ സിനിമയുടെ പേര് പറഞ്ഞപ്പോള്‍ ഞാന്‍ ആലോചിച്ചത് ആ രണ്ടുവാക്കുകളെക്കുറിച്ചാണ്. ജീവിതത്തില്‍ നമ്മള്‍ എത്രയോ വട്ടം ഒറ്റയ്‌ക്കൊറ്റയ്ക്ക് ആ വാക്കുകള്‍ കേട്ടിരിക്കുന്നു. പക്ഷേ എന്നും എന്ന വാക്കിനൊപ്പം എപ്പോഴും എന്ന വാക്ക് ചേര്‍ന്ന് ഒറ്റവാക്കാകുന്നത് ഞാന്‍ ആദ്യമായി കാണുകയായിരുന്നു. അവസാനിക്കാത്ത എന്തോ ഒന്നിനെക്കുറിച്ചുള്ള ഓര്‍മ. എന്നിനൊപ്പം എപ്പോഴും എന്നുകൂടി ചേര്‍ത്തുകൊണ്ട് ആ അനശ്വരതയെ ഇരട്ടിയാക്കാന്‍ സത്യനങ്കിളിനെപ്പോലൊരാള്‍ക്ക് മാത്രമേ കഴിയൂ.

എന്നും എപ്പോഴും നിലനില്‍കുന്ന ചിലത് മാത്രമാണ് ഈ ഭൂമിയിലുള്ളത്. സ്‌നേഹം, നന്മ, ദയ തുടങ്ങി അപൂര്‍വം ചിലത് മാത്രം. മനുഷ്യവംശം ഇല്ലാതായാലും ബാക്കിയാകുന്നവയാണത്. ഈ സിനിമ എന്നും എപ്പോഴും അവശേഷിക്കുന്ന അങ്ങനെയുള്ള ചിലതിനെക്കുറിച്ചുള്ളതാണ്. എന്നും എപ്പോഴും മലയാളികളുടെ മനസ്സില്‍ മോഹന്‍ലാലും മഞ്ജുവാര്യരുമുണ്ടാകുമെന്നതുകൊണ്ടാണ് ഇങ്ങനെയൊരു പേരെന്ന് സത്യനങ്കിള്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha