പിണറായി സ്നേഹമുള്ളയാളാണെന്ന് നടി നവ്യാ നായര്
സി.പി.എമ്മിന്റെ മുന് സെക്രട്ടറി പിണറായി വിജയന് കര്ക്കശക്കാരനല്ലെന്നും സ്നേഹമുള്ളയാളാണെന്നും നടി നവ്യാ നായര്. നവ്യ വിജയനങ്കിള് എന്നാണ് വിളിക്കുന്നത്. ഭാര്യ കമല, ആന്റിയും. പിണറായിയുമായി നവ്യയ്ക്ക് നല്ല അടുപ്പമാണ്. നവ്യയുടെ വിവാഹത്തിന് പിണറായിയും ഭാര്യയും പങ്കെടുത്തിരുന്നു. ഏത് ഉറക്കത്തില് വിളിച്ചാലും പിണറായി സഹായിക്കാന് എത്തുമെന്ന് നവ്യ പറഞ്ഞു. നവ്യ ഗര്ഭിണിയായിരുന്നപ്പോള് ഗര്ഭിണിയുടെ ആഗ്രഹങ്ങള് എല്ലാം അറിയണമല്ലോ എന്ന് പറഞ്ഞ് മുന്കൂട്ടി ഒരു വിവരും നല്കാതെ പിണറായിയും ഭാര്യയും കാണാന് ചെന്നിരുന്നു.
പിണറായി നവ്യക്ക് അച്ഛനെ പോലെയാണ്. രാഷ്ട്രീയം നോക്കിയല്ല അദ്ദേഹത്തെ ഇഷ്ടപ്പെടുന്നത്. പിണറായി എന്ന വ്യക്തിയെയാണ്. ചില അധ്യാപകരോട് തോന്നുന്ന ബഹുമാനമാണ് പിണറായിയോട്. പിണറായിയുടെ പിറന്നാള് അറിയാവുന്ന ചുരുക്കം ചിലരില് ഒരാളാണ് നവ്യ. കുടുംബാഗങ്ങള്ക്കല്ലാതെ നിഴലുപോലെ കൂടെ നടക്കുന്ന സഖാക്കള്ക്ക് പോലും അത് അറിയില്ല. എന്നാല് സര്ട്ടിഫിക്കറ്റ് ബുക്കില് 1944, മാര്ച്ച് 21 എന്നാണ് രേഖപ്പെടുത്തിയിരിക്കുന്നത്. പണ്ടൊക്കെ സ്കൂളില് ചേര്ക്കാന് പോകുമ്പോള് അധ്യാപകരാണ് കുട്ടികളുടെ ജനന തിയ്യതി കുറിയ്ക്കുന്നത്. മിക്കവരുടെയും ജനനം മാര്ച്ചിലായതുകാരണം, പിണറായിക്കും ആ തീയ്യതി എഴുതുകയായിരുന്നു. നവ്യക്ക് പിണറായിയോടുള്ള അടുപ്പം മനസ്സിലാക്കി ഒരു മാധ്യമ സുഹൃത്താണ് ജന്മദിന രഹസ്യം ചോദിക്കാന് ആവശ്യപ്പെട്ടത്. ചോദിച്ചപ്പോള് ഉത്തരം നല്കി. എന്നാല് അത് വെളിപ്പെടുത്താന് താരം തയ്യാറല്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha