ഒരുകാലത്ത് ചോക്ലേറ്റ് ബോയിയായി തിളങ്ങി നിന്ന കാലത്ത് തമിഴില്‍ നിന്ന് കുഞ്ചാക്കോ ബോബന് നല്ല അവസരങ്ങള്‍ ലഭിച്ചിരുന്നു. എന്നാല്‍ എല്ലാം അന്ന് നിസരിച്ചു. ഇപ്പോള്‍ പക്ഷേ, താല്‍പ്പര്യമുണ്ട്, എന്നാല്‍ നല്ല ഓഫറുകള്‍ വരുന്നില്ല.
തമിഴില്‍ അഭിനയിക്കാന്‍ ഇപ്പോള്‍ കംഫോര്‍ട്ടബിളാണെന്ന് പറയാന്‍ കാര്യം തമിഴ് വായിക്കാനും എഴുതാനും സംസാരിക്കാനും പഠിച്ചെന്നുള്ളതാണ്. അതുകൊണ്ട് ഡബ്ബ് ചെയ്യാനുള്ള അവസരവും കിട്ടിയാല്‍ നല്ല ഓഫറുമാണെങ്കില്‍ തീര്‍ച്ചയായും ചെയ്യുമെന്ന് താരം പറഞ്ഞു. പക്ഷെ, അതിനുവേണ്ടി താന്‍ ശ്രമിക്കുന്നില്ലെന്നും താരം പറഞ്ഞു. തെലുങ്ക്, കന്നഡ ഭാഷാചിത്രങ്ങളില്‍ അഭിനയിക്കാന്‍ വലിയ താല്‍പ്പര്യവുമില്ല
എനിക്ക് ചെയ്യാന്‍ സാധിക്കില്ലെന്നു പറഞ്ഞിരുന്ന പല കഥാപാത്രങ്ങളും നല്ല രീതിയില്‍ പിന്നീട് ചെയ്യാന്‍ സാധിച്ചിട്ടുണ്ട്. കോമഡി വഴങ്ങില്ലെന്ന് പറഞ്ഞവരുണ്ട്, പുള്ളിപ്പുലികളില്‍ കോമഡി ചെയ്തു. സീരിയസ് റോളുകള്‍ പറ്റില്ലെന്ന് പറഞ്ഞു അതും ചെയ്തു. നെഗറ്റീവ് റോള്‍ സീനിയേഴ്‌സില്‍ വര്‍ക്കൗട്ടായി. അന്നങ്ങനെ പറഞ്ഞവരെക്കൊണ്ടു തിരുത്തിപ്പറയാനുള്ള അവസരവും ഉണ്ടായി. സമീപകാലത്ത് വന്ന എന്റെ പല സിനിമകളും ശ്രദ്ധിച്ചാല്‍ അത് മനസ്സിലാകും. പോളിടെക്കിനിക്കിലൊക്കെ മെച്യുവേഡായ വേഷമായിരുന്നു.
മലയാളത്തില്‍ ഒരുപാട് യുവ താരങ്ങളുള്ളതിനാല്‍ കൂടുതല്‍ കരുതലോടെ വേഷങ്ങള്‍ ചെയ്യൂ. കാലത്തിനനുസരിച്ച് മാറ്റം ഉള്‍ക്കൊള്ളും. അതിനുള്ള തയ്യാറെടുപ്പിലാണ് താരം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha