തനിക്ക് വെയിലു കൊള്ളാന്‍ താല്‍പര്യമില്ലെന്ന് നടി നൈല ഉഷ. അത്തരം ജോലികള്‍ ചെയ്യുക ബുദ്ധിമുട്ടാണ്. പൊലീസ് ഉള്‍പ്പെടെയുള്ള ജോലികള്‍ ചെയ്യാന്‍ ഇഷ്ടമില്ലാത്തതും അതുകൊണ്ടാണെന്ന് താരം പറഞ്ഞു. ഫയര്‍മാനില്‍ പൊലീസ് ഓഫീസറായി അഭിനയിച്ചെങ്കിലും ജീവിതത്തില്‍ അത്തരം ജോലികള്‍ ചെയ്യാന്‍ പ്രയാസമാണ്. മമ്മൂട്ടിയുടെ നായികയായി മൂന്നാം തവണയാണ് നൈല അഭിനയിക്കുന്നത്. കുഞ്ഞനന്തന്റെ കടയിലും ഗ്യാങ്സ്റ്ററിലും കണ്ട നൈലയല്ല ഫയര്‍മാനില്‍. വളരെ ബോള്‍ഡായ ദേഷ്യക്കാരിയായ കമ്മീഷണറാണ് ഫയര്‍മാനിലെ നായിക.

കമ്മീഷണര്‍ സിനിമയിലെ ഇംപോര്‍ട്ടന്റ് ക്യാരക്ടറാണ്. മാത്രമല്ല ഇതൊരു പുതിയ അനുഭവവും കൂടിയാണെന്നു നൈല പറയുന്നു. പൊലീസില്‍ ജോലി ചെയ്യാന്‍ ആഗ്രഹമില്ലെങ്കിലും അവരോട് വലിയ ബഹുമാനമാണ്. രാപ്പകലില്ലാതെ അവര്‍ ജോലി ചെയ്യുന്നു. ഏറ്റവും കൂടുതല്‍ ജോലി ചെയ്യുന്ന സര്‍ക്കാര്‍ ജീവനക്കാരാണ് പൊലീസുകാര്‍. അവര്‍ നന്നായി അദ്ധ്വാനിക്കുന്നുണ്ട്. അതൊന്നും തനിക്കു പറ്റില്ലെന്നും താരം പറഞ്ഞു. പറ്റാത്തതിനെക്കുറിച്ച് ആലോചിച്ച് വിഷമിക്കേണ്ട കാര്യമില്ല.

സിനിമയിലെ പൊലീസിന് ഒരു പ്രശ്‌നവുമില്ലെന്നും താരം പറഞ്ഞു. മലയാളത്തിലെ നീളം കൂടിയ നായികമാരില്‍ ഒരാളാണ് നൈല. അതുകൊണ്ടാണ് മിക്ക ചിത്രങ്ങളിലും മമ്മൂട്ടി നൈലയെ നായികയാക്കുന്നത്. വിവാഹം കഴിഞ്ഞാണ് നൈല സിനിമയിലെത്തിയത്. ഏഴ് വയസുള്ള ഒരു കുട്ടിയുണ്ട് താരത്തിന്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha