സൈബര്‍ ലോകത്ത് സെലിബ്രിറ്റികളുടെ വ്യാജ അശ്ലീല വീഡിയോകള്‍ അനുദിനം കൂടി വരികയാണ്. പരസ്പരം സീരിയലിലെ നായിക ഗായത്രി അരുണിന്റെ പേരിലാണ് പുതിയ വ്യാജ അശ്ലീല വീഡിയോ പ്രചരിക്കുന്നത്.
തന്റെ പേരില്‍ പ്രചരിച്ച വീഡിയോ ജീവിതത്തില്‍ ഏറെ ബുദ്ധിമുട്ടുകള്‍ സൃഷ്ടിച്ചതായി ഗായത്രി പറഞ്ഞു. സീരിയല്‍ രംഗത്ത് പേരെടുത്തു വരുന്ന സമയത്താണ് ഗായത്രിക്ക് സൈബര്‍ ലോകത്തുനിന്ന് ആദ്യ ദുരനുഭവമുണ്ടായത്. സമൂഹമാദ്ധ്യമങ്ങള്‍ വഴി ഗായത്രിയുടേതെന്ന പേരില്‍ വാട്‌സ്ആപ് നമ്പര്‍ പ്രചരിച്ചു.
ഇതെക്കുറിച്ച് സൈബര്‍ സെല്ലില്‍ പരാതി നല്‍കി. അക്കാര്യം തന്റെ ഫേസ് ബുക്ക് വഴി പരസ്യപ്പെടുത്തുകയും ചെയ്തു. ഇതോടെയാണ് അശ്ലീല കമന്റുകള്‍ക്ക് ശമനമായത്. ഗായത്രിയുടെ പേരില്‍ വ്യാജ ഫേസ് ബുക്ക് പ്രൊഫൈല്‍ സൃഷ്ടിച്ചയാളെ അന്വേഷിച്ച പൊലീസ് ഒടുവില്‍ പിടികൂടിയത് വെഞ്ഞാറമൂട് സ്വദേശിയായ കൗമാരക്കാരനെയാണ്. ഈ കുട്ടിയെ അറസ്റ്റു ചെയ്തു. എന്നാല്‍, അശ്ലീല വീഡിയോ അപ്‌ലോഡ്‌ചെയ്തയാള്‍ ആരെന്നു ഇതുവരെ കണ്ടെത്താനായിട്ടില്ല. ഐപി അഡ്രസ് ചെന്നൈയില്‍ ഉള്ളതാണെന്ന് തെളിഞ്ഞിട്ടുണ്ട്. എന്നാല്‍, പ്രതിയെക്കുറിച്ച് ഒരു വിവരവും പൊലീസിന് ലഭിച്ചിട്ടില്ല.
അഞ്ചുവര്‍ഷത്തോളം പഴക്കമുള്ള വീഡിയോയാണ് തന്റെ പേരില്‍ പ്രചരിച്ചതെന്ന് ഗായത്രി പറഞ്ഞു. എന്നാല്‍ തന്നെ അടുത്തറിയുന്നവരാരും ഇതു വിശ്വസിച്ചില്ല. കുടുംബത്തിന്റെ ശക്തമായ പിന്തുണയും തനിക്ക് ഉണ്ടായിരുന്നു. എങ്കിലും വീഡിയോ വൈറലായത് നിരവധി ബുദ്ധിമുട്ടുകള്‍ക്കു കാരണമായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha