സോളാര്‍കേസിലെ പ്രതി സരിതാ എസ് നായരുടെ ജീവിതം ഷാജി കൈലാസ് സിനിമയാക്കുന്നു. സുരേഷ് ഗോപിയാണ് ചിത്രത്തിലെ നായകന്‍. ഇത് സംബന്ധിച്ചുള്ള ചര്‍ച്ച സരിതാനായരുമായി ഷാജികൈലാസ് നടത്തിയെന്നാണ് വിവരം. തന്റെ സ്വന്തം ജീവിത കഥ പറയുന്ന സിനിമയില്‍ സരിതാനായരും അഭിനയിക്കുന്നു എന്നതാണ് മറ്റൊരു പ്രത്യേകത. ചിത്രത്തില്‍ ഗണേശ് കുമാറും ഒരു മുഖ്യവേഷത്തില്‍ എത്തുന്നുണ്ട്. കിച്ചു ഫിലിംസിന്റെ ബാനറില്‍ ജഗദീശ് ചന്ദ്രനാണ് സിനിമ നിര്‍മിക്കുന്നത്. സുരേഷ് ഗോപി ഒരു പോലീസ് ഓഫീസറുടെ വേഷത്തിലായിരിക്കും അഭിനയിക്കുക.
കേരള രാഷ്ട്രീയത്തിന്റെ പശ്ചാത്തലത്തില്‍ ഒരുക്കുന്ന ചിത്രം പൊളിറ്റിക്കല്‍ ത്രില്ലര്‍ വിഭാഗത്തിലുള്ളതാണ്. സംസ്ഥാന രാഷ്ട്രീയത്തിലെ പലരുടേയും രൂപഭാവങ്ങളോടെ കഥാപാത്രങ്ങള്‍ വെള്ളിത്തിരയിലെത്തുമെന്നാണ് അറിയുന്നത്. മാധ്യമ വിചാരണക്ക് വിധേയമായ വിഷയവുമായി ബന്ധപ്പെട്ട വാര്‍ത്തകള്‍ക്ക് പിന്നിലെ യഥാര്‍ത്ഥ രാഷ്ട്രീയം ചിത്രം ജനങ്ങളുടെ മുന്നിലെത്തിക്കുമെന്ന് പ്രതീക്ഷിക്കപ്പെടുന്നു. ഗണേഷ്‌കുമാര്‍ പ്രധാന വേഷത്തില്‍ എത്തുന്നതിനാല്‍ യു.ഡി.എഫിലെ ഗണേഷ് വിരുദ്ധര്‍ക്കെല്ലാം സിനിമ ആശങ്കയുണ്ടാക്കും എന്നുറപ്പാണ്. മറ്റ് താരങ്ങളുടേയും സാങ്കേതിക പ്രവര്‍ത്തകരുടേയും പേരുകള്‍ പ്രഖ്യാപിച്ചിട്ടില്ല. സിനിമയുടെ ഒദ്യോഗിക പ്രഖ്യാപനം അടുത്ത ദിവസങ്ങളില്‍തന്നെയുണ്ടാകും. ചിത്രീകരണം തിരുവനന്തപുരത്തായിരിക്കും.
സരിത എസ് നായര്‍ മലയാളത്തിലെ ഒരു പ്രമുഖ സംവിധായകന്റെ സിനിമയില്‍ അഭിക്കുന്നത് ആദ്യമാണ്. നേരത്തെ ഷോട്ട്ഫിലുമുകളിലും ചെറുസിനിമകളിലും അഭിനയിച്ചിട്ടുണ്ടെങ്കിലും ഈ സിനിമയോടുകൂടി സരിതയ്ക്ക മലയാള സിനിമയില്‍ ഭാവിയുണ്ടകുമെന്നാണ് റിപ്പോര്‍ട്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha