തിരക്കഥ പൂര്ത്തിയായശേഷം ഉപേക്ഷിക്കേണ്ടിവന്ന സൂപ്പര് താര സിനിമയെക്കുറിച്ച് ഷാജി കൈലാസ്
എല്ലാത്തിനും കാരണം മമ്മൂട്ടിയുടെ വാശിയാണ്. അല്ലെങ്കില് ആ സിനിമ നടക്കുമായിരുന്നു.എങ്കില് അത് മറ്റൊരു ചരിത്രമായേനെ. മലയാള സിനിമയിലെ ആക്ഷന് സിനിമകളുടെ സംവിധായകന് ഷാജി കൈലാസിന്റേതാണ് ഈ വാക്കുകള്. സൂപ്പര് താരങ്ങളായ മോഹന്ലാലും മമ്മൂട്ടിയും ഒന്നിക്കാന് പോകുന്നുവെന്ന വാര്ത്ത വലിയ വാര്ത്താ പ്രാധ്യാന്യം നേടിയിരുന്നു. എന്നാല് ചിത്രം പാതിവഴിയില് ഉപേക്ഷിച്ചുവെന്നാണ് ഇപ്പോഴത്തെ വാര്ത്ത.
ഷാജി കൈലാസ് തന്നെയാണ് ഒരു ഓണ്ലൈന് മാദ്ധ്യമത്തിന് നല്കിയ അഭിമുഖത്തില് ഇക്കാര്യം വ്യക്തമാക്കിയത്. ചിത്രത്തില് മോഹന്ലാലിനൊപ്പം അഭിനയിക്കാന് തയ്യാറല്ലെന്ന് മമ്മൂട്ടി വ്യക്തമാക്കിയതോടെ ചിത്രം ഉപേക്ഷിക്കുകയായിരുന്നു എന്നാണ് ഷാജി കൈലാസ് നല്കുന്ന വിശദീകരണം. എന്നാല് മമ്മൂട്ടിയെ ഈ തീരുമാനത്തിലേക്ക് നയിച്ച കാരണമെന്തെന്ന് വിശദമാക്കാന് ഷാജി കൈലാസ് തയ്യാറായില്ല. ഇരു താരങ്ങളെയും ലക്ഷ്യമിട്ട് ഒരുക്കിയ കഥയും കഥാപാത്രങ്ങളുമായതിനാല് മറ്റു താരങ്ങളെ നിരത്തി ചിത്രം നിര്മ്മിക്കേണ്ടെന്ന് തീരുമാനിക്കുകയായിരുന്നു.
മമ്മൂട്ടിക്കും മോഹന്ലാലിനും വേണ്ടിയുള്ള രണ്ട് അസ്സല് കഥാപാത്രങ്ങളെ ഉണ്ടാക്കിയ ശേഷമാണ് ആ ചിത്രത്തിന് വേണ്ടി രണ്ജിയും രഞ്ജിതും കഥയുണ്ടാക്കിയിരുന്നതെന്നും ഷാജി കൈലാസ് പറയുന്നു. മോഹന്ലാലും മമ്മൂട്ടിയും ചെയ്താല് മാത്രമേ ആ കാരക്ടേഴ്സും സിനിമയും സാധ്യമാകൂ. പക്ഷേ മോഹന്ലാലിന്റെ കൂടെ അഭിനയിക്കില്ലെന്ന് മമ്മൂട്ടി പറഞ്ഞു. മമ്മൂട്ടി അങ്ങനെ നിലപാട് വ്യക്തമാക്കിയതോട് ആ പ്രൊജക്ട് ഉപേക്ഷിച്ചതായും, തനിക്ക് വലിയ മാനസിക പ്രയാസമായി ഈ സംഭവങ്ങളെന്നും ഷാജി കൈലാസ് വ്യക്തമാക്കി.
തമിഴ് സിനിമയില് തിരക്കേറിയതിന് ശേഷമാണ് ഷാജി വീണ്ടും മലയാളത്തിലേക്ക് വരുന്നത്.
മലയാളത്തില് ഇടവേളയ്ക്ക് ശേഷം സുരേഷ് ഗോപിയെ നായകനാക്കി സിനിമ പുതിയ സംവിധാനം ചെയ്യാനൊരുങ്ങുകയാണ് ഷാജികൈലാസ് ഇപ്പോള്.എന്റെ സിനിമയില് നിന്നും പ്രേക്ഷകര് പ്രതീക്ഷിക്കുന്ന ഫയര് ഉള്ള ചിത്രമായിരിക്കും അടുത്തതെന്നും അദ്ദേഹം ഉറപ്പ് നല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha