ടെലിവിഷന്‍ പ്രേക്ഷകരുടെ പ്രിയ പരമ്പരകളിലൊന്നാണ് മൗനരാഗം. കല്യാണിയെന്ന ഊമയായ പെണ്‍കുട്ടിയുടെ ജീവിതകഥ പറയുന്ന പരമ്പര വിജയകരമായി മുന്നേറുകയാണ്. സംസാരശേഷിയില്ലാത്തതിനാല്‍ അച്ഛനും സഹോദരനും അച്ഛമ്മയും കല്യാണിയെ അവഗണിക്കുകയായിരുന്നു. കിരണിന്റെ ഓഫീസില്‍ ജോലിക്ക് പോയതോടെയാണ് കല്യാണിയുടെ ജീവിതം മാറിമറിഞ്ഞത്.

സംസാരശേഷിയില്ലെങ്കിലും കല്യാണിയെ ജീവിതത്തിലേക്ക് കൂടെക്കൂട്ടുകയായിരുന്നു കിരണ്‍. കല്യാണിക്ക് സംസാരശേഷിയില്ലെന്ന സത്യം മറച്ചുവെച്ചായിരുന്നു കിരണ്‍ വിവാഹത്തിനുള്ള ഒരുക്കങ്ങള്‍ നടത്തിയത്. മുറപ്പെണ്ണായ സരയുവാണ് ഈ വാര്‍ത്ത കിരണിന്റെ അമ്മയെ അറിയിക്കുന്നത്. ഇതോടെ കല്യാണി രൂപയുടെ വീട്ടിൽ നിന്നും പുറത്തായിരിക്കുകയാണ്.

മൗനരാഗം പ്രേക്ഷകർ കാത്തിരിക്കുന്നൊരു എപ്പിസോഡാണ് സോണിയുടെ പ്രസവം. ഇന്ന് പ്രസവിക്കും, നാളെ പ്രസവിക്കും എന്ന് പറഞ്ഞ് കാത്തിരിക്കാൻ തുടങ്ങിയിട്ട് ദിവസം കുറെയായി. എന്നാലിപ്പോഴിതാ, ആരാധകർക്ക് സന്തോഷവാർത്തയുമായി ഏഷ്യാനെറ്റ് എത്തിയിരിക്കുകയാണ്. നാളെ അതായത് നവംബർ ഏഴിന് രാത്രി ഏഴ് മണിക്ക് മെഗാ എപ്പിസോഡ് സംപ്രേക്ഷണം ചെയ്യുകയാണ്. സോണിക്ക് പ്രസവവേദന വന്നതിൽ സന്തോഷം ആരാധകർക്കാണ്.

കഴിഞ്ഞ ആഴ്ചകളിലെ പ്രൊമോയിലൊക്കെ കണ്ട സംഭവത്തെ തന്നെയാണ് നാളെ നടക്കുന്നത്. അമ്പലത്തിൽ പോയി തൊഴുത് പ്രാത്ഥിച്ചിട്ട് തിരികെ വരുമ്പോൾ, പെട്ടെന്നുവെച്ച് സോണിക്ക് ശക്തമായ രീതിയിൽ പ്രസവവേദന ഉണ്ടാകുന്നു.സഹായിക്കാനായി കല്യാണി കുറെ വണ്ടികൾക്ക് കൈ കാണിക്കുന്നുണ്ടെങ്കിലും ആരും തന്നെ നിർത്തുന്നില്ല...

അവസാനം അവിടെ ദൈവ ദൂതനെപോലെ കിരണിന്റെ അച്ഛൻ വരുകയാണ്. സത്യം പറഞ്ഞാൽ ഒരുപാട്, നാളുകൾ കൊണ്ട് തന്റെ രണ്ടു മക്കളെയും സംരക്ഷിക്കുന്നതിന് വേണ്ടി അവരുടെ പിറകെ നടക്കുന്ന അച്ഛനായിരുന്നു ആ ദൈവ ദൂതൻ... അച്ഛന്റെ കടന്നു വരവോടുകൂടി മൗനരാഗത്തിൽ എന്തൊക്കെ മാറ്റങ്ങളാണ് സംഭവിക്കുന്നതെന്ന് വീഡിയോയിലൂടെ കാണാം...