ഏഷ്യാനെറ്റിലെ പരമ്പരകളിൽ ഏറ്റവും കൂടുതൽ ആരാധകരുള്ള സീരിയലാണ് കുടുംബവിളക്ക്. അതുകൊണ്ട് തന്നെ സീരിയലിലെ ഓരോ കഥാപാത്രത്തിനും നിരവധി ആരാധകരുമുണ്ട്. ഈ പരമ്പരയിലൂടെ പ്രേക്ഷകര്‍ക്ക് പ്രിയങ്കരിയായി മാറിയ താരമാണ് ആതിര മാധവ്. ഡോക്ടര്‍ അനനന്യയെന്ന കഥാപാത്രമായാണ് ആതിര സീരിയലിൽ എത്തുന്നത്.

ചുരുങ്ങിയ കാലം കൊണ്ട് തന്നെ ആതിരയെയും അനന്യയേയും പ്രേക്ഷകര്‍ ഏറ്റെടുക്കുകയായിരുന്നു. സോഷ്യല്‍ മീഡിയയില്‍ സജീവമായ അനന്യ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. വിവാഹ ജീവിതം ഒരു വര്‍ഷത്തിലേക്ക് കടക്കുന്നതിനെക്കുറിച്ചും പേരന്റ്ഹുഡിലേക്ക് കടന്നതിനെക്കുറിച്ചും താരം കഴിഞ്ഞദിവസങ്ങളിൽ വെളിപ്പെടുത്തിയിരുന്നു.

വിവാഹവാർഷിക ദിനത്തിലാണ് ഈ സന്തോഷ വാർത്ത ആരാധകരെ അറിയിച്ചത്. ആതിരയ്ക്കും ഭർത്താവിനും ആശംസയുമായി നിരവധി ആരാധകർ രംഗത്ത് എത്തിയതുമായിരുന്നു. ഇപ്പോഴിതാ, ആതിരയെ കാണാൻ അടുത്ത സുഹൃത്തായ അമൃത എത്തിയിരിക്കുകയാണ്.

മധുര പലഹാരങ്ങളും കൊണ്ടായിരുന്നു അമൃതയുടെ വരവ്. പ്രതീക്ഷിക്കാതെയായിരുന്നു ആതിരയെ കാണാൻ എത്തിയത്. ഇതിനെ തുടർന്നുള്ള വിഡിയോകളും സമൂഹമാധ്യമങ്ങളിൽ വൈറലായിരുന്നു. തുടർന്ന് ഇരുവരും തങ്ങളുടെ വിശേഷങ്ങളും അമൃതയുടെ യുട്യൂബ് ചാനലിൽ പങ്കുവെച്ചിരുന്നു.

ആതിരയ്ക്ക് ജനിക്കുന്നത് മകനാണെന്നും തന്റെ മകളെയായിരിക്കും അവന്‍ വിവാഹം ചെയ്യുന്നതെന്നുമാണ് അമൃതയുടെ കണ്ടെത്തൽ. തുടക്കത്തില്‍ ആതിരയ്ക്ക് നല്ല ക്ഷീണമായിരുന്നു. അന്നൊക്കെ താന്‍ കൂടെത്തന്നെയുണ്ടാവുമായിരുനെന്നും താരം പറഞ്ഞു.

കൂടാതെ സോഷ്യൽ മീഡിയയിൽ പ്രചരിക്കുന്ന വ്യാജ വാർത്തയെ കുറിച്ചും ആതിര വീഡിയോയിലൂടെ പറയുന്നുണ്ട്. തന്റെ പുതിയ വിശേഷം പങ്കുവെച്ചതിന് പിന്നാലെ തന്നെ താൻ കുടുംബവിളക്കിൽ നിന്ന് പിൻമാറുന്നുയെന്ന് പ്രചരിച്ചിരുന്നു. അതൊന്നും ശരിയല്ല.

താൻ ഒരു സന്തോഷകരമായ വിവരമാണ് പുറത്ത് വിട്ടത്. എന്നാൽ അത് സങ്കടമാണെന്ന തരത്തിലായിരുന്നു ചിലരൊക്കെ വ്യാഖ്യാനിച്ചത്. സീരിയലിൽ നിന്ന് മാറുന്നതിനെ കുറിച്ച് തീരുമാനിച്ചിട്ടില്ല. പറ്റുന്ന സമയം വരെ പോവുമെന്നും ആതിര പറയുന്നു.

കൂടാതെ അമൃത സീരിയലിൽ നിന്ന് പിൻമാറിയതിനെ കുറിച്ചും ആതിര പറയുന്നു. താരം പിൻമാറിയിട്ട് മാസങ്ങൾ ആയി എങ്കിലും ഇപ്പോഴാണ് യഥാർത്ഥ കാരണം വെളിപ്പെടുത്തുന്നത്. ആതിരയായിരുന്നു ആ സസ്പെൻസ് പൊളിച്ചത്.

സീകേരളത്തിൽ ആരംഭിക്കാൻ പോവുന്ന ഒരു പുതിയ പരിപാടിയ്ക്ക് വേണ്ടിയാണ് ഇവൾ സീരിയലിൽ നിന്ന് മാറിയത്. അതേക്കുറിച്ച് എവിടെയും ഞാന്‍ പറഞ്ഞിട്ടില്ല, ഇതാദ്യമായാണ് പറയുന്നതെന്നായിരുന്നു അമൃത വീഡിയോയിൽ പറയുന്നുണ്ട്.

കുഞ്ഞുവാവയുടെ വിശേഷങ്ങളും വീട്ടിലെ വിശേഷങ്ങളും അറിഞ്ഞു. ചുമ്മാ വന്നിട്ട് ഒരു വീഡിയോ എടുത്ത് പോകാമെന്ന് കരുതിയാണ് വന്നതെന്നും അമൃത പറയുന്നുണ്ട്. കൂടാതെ കുഞ്ഞു വാവ ജനിച്ചതിന് ശേഷം ഞങ്ങള്‍ വീണ്ടും ഒന്നിച്ച് അഭിനയിക്കുമെന്ന് ആതിരയും പറയുന്നു.

രാജീവിന് സഹോദരനുണ്ടായിരുന്നുവെങ്കില്‍ താന്‍ ഇവിടെ എങ്ങനെയെങ്കിലും കയറിയേനെയെന്നും അമൃത വീഡിയോയിലൂടെ രസകരമായി പറയുന്നുണ്ട്. താരങ്ങളുടെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. മികച്ച കമന്റുകളാണ് ഇരുവർക്കും ലഭിക്കുന്നത്. ആതിരയ്ക്കും അമൃതയ്ക്കും എല്ലാവിധത്തിലുളള ആശംസകളാണ് പ്രേക്ഷകർ നൽകിയത്.