ശ്രീനിലയത്തിൽ പിറന്നാൾ ആഘോഷം കെങ്കേമം ആക്കാനുള്ള ഒരുക്കത്തിലാണ് എല്ലാവരും. മക്കളും മരുമക്കളും ചേർന്ന് ക്ഷണിച്ച അതിഥികൾ എല്ലാവരും എത്തിക്കഴിഞ്ഞിരുന്നു. പിന്നെ വരേണ്ടത്, സിദ്ധു ആയിരുന്നു, അത് തകർക്കാൻ വേദികയും നമ്മുടെ സരസുവും ചേർന്ന് ചെറിയ പണികളൊക്കെ ഒപ്പിച്ചെങ്കിലും പൊളിച്ചടുക്കി കയ്യിൽ കൊടുത്തിട്ടുണ്ട് ഡോക്ടർ അനന്യ. സത്യം പറഞ്ഞാൽ, ആ സമയത്തെ വേദികയുടെ മുഖം കണ്ടാൽ, ചിരി സഹിക്കാനേ പറ്റില്ല. സുമിത്രയെ തോൽപിക്കാൻ വേണ്ടി കാട്ടി കൂട്ടുന്നതൊക്കെ പാളി പോകുകയാണല്ലോ... വേദികേ..

അമ്മയോട്, ഇന്ന് വരെ കാണിക്കാത്ത അമിതമായ സ്നേഹം കാണിച്ചിട്ടാ അനി പോയത്. അങ്ങനെയൊരു സാഹചര്യത്തിൽ.. ഈ അമ്മയ്ക്ക് മകനെ ഒഴിവാക്കാൻ പറ്റുമോ?? അനികുട്ടൻ ഇല്ലാതെ സുമിത്ര കേക്ക് കട്ട് ചെയ്യില്ല. പരമ്പരയിൽ അനിരുദ്ധിന് ഒരു അപകടം സംഭവിക്കാന്‍ പോവുമെന്നുള്ള സൂചനകളും വന്നിരിക്കുകയാണ്.

സീനിയര്‍ ഡോക്ടറായ ഇന്ദ്രജയുടെ ഭീഷണിയ്ക്ക് മുന്നില്‍ തോല്‍ക്കാന്‍ പറ്റില്ലെന്ന് തീരുമാനിച്ച് ഉറപ്പിച്ചിരിക്കുകയാണ് അനിരുദ്ധ്. മരിക്കാന്‍ തീരുമാനിച്ചതോടെ വീട്ടില്‍ എല്ലാവരോടും തന്റെ സ്‌നേഹം പങ്കുവെച്ചിട്ടാണ് പോവുന്നത്.

നീ അല്ലാതെ മറ്റൊരു സ്ത്രീ തന്റെ ജീവിതത്തില്‍ ഉണ്ടായിട്ടില്ലെന്നാണ് അനന്യയോട് അനിരുദ്ധ് പറയുന്നത്. നാളെ ഒരു തെറ്റിദ്ധാരണ ഉണ്ടാവാതെ ഇരിക്കാനും അനുവിനെ അത്രത്തോളം താന്‍ സ്‌നേഹിക്കുന്നുണ്ടെന്ന് പറയുകയാണ്. എന്നാല്‍ അനിരുദ്ധിന്റെ അസാന്നിധ്യം ശ്രീനിലയം വീട്ടിന്റെ സമാധാനം നശിപ്പിച്ച് തുടങ്ങിയിട്ടുണ്ട്... ഇന്നലത്തെ എപ്പിസോഡിൽ അത് ചെറുതായിട്ട് കാണിക്കുന്നുണ്ട്.

ഇന്നത്തെ എപ്പിസോഡിലും, അനിരുദ്ധിന്റെ മനസിന്റെ ചിന്തകളും... ശ്രീനിലയത്തിൽ സമാധാനം ഇല്ലാതാകുന്നതുമാണ് കാണിക്കുന്നത്. താന്‍ പോയി വേഗം തിരിച്ച് വരാമെന്ന് വീട്ടില്‍ ഉള്ളവര്‍ക്കെല്ലാം ഉറപ്പ് നല്‍കിയിട്ടാണ് അനിരുദ്ധ് ഇറങ്ങുന്നത്. ഇതുവരെ അമ്മയോട് അതൃപ്തി കാണിച്ചിരുന്നെങ്കിലും ഉള്ളിലെ തെറ്റുകള്‍ ഏറ്റുപറഞ്ഞിരുന്നു.

ഇതോടെ മകന്‍ വരാതെ കേക്ക് മുറിക്കില്ലെന്ന വാശിയിലാണ് സുമിത്ര. എല്ലാവരും അനിരുദ്ധ് വരുമെന്ന് പ്രതീക്ഷിച്ച് ഇരിക്കുകയാണെങ്കിലും അവന്‍ വരില്ലെന്നാണ് സരസ്വതിയമ്മ മാത്രം പറയുന്നത്. എന്തായാലും പുതിയ പ്രൊമോയില്‍ ശ്രീകുമാര്‍ അടക്കമുള്ളവര്‍ ഇതിനെ കുറിച്ച് സംസാരിക്കുന്നത് കാണാം.

അച്ഛാച്ചന്‍ അടക്കം എല്ലാവരും അനിരുദ്ധിനെ പ്രതീക്ഷിച്ച് ഇരിക്കുകയാണ്. ഇതിനിടയില്‍ പ്രശ്‌നം അറിഞ്ഞ് സുമിത്ര അനിരുദ്ധിനെ രക്ഷിക്കുമെന്നാണ് കരുതുന്നത്. എന്തായാലും അനി അനന്യയെ നന്നായി സ്‌നേഹിക്കുന്നുണ്ടെന്ന് മനസിലായെന്നാണ് ആരാധകര്‍ പറയുന്നത്. അനിക്ക് ഒന്നും സംഭവിക്കാണ്ടിരുന്നാല്‍ മതിയായിരുന്നു.

എത്ര പ്രലോഭവനം ഉണ്ടായാലും അനിരുദ്ധ് ഒരിക്കലും അച്ഛന്റെ വഴിയേ സഞ്ചരിക്കില്ല. ഭാര്യയ്ക്ക് ബഹുമാനവും, സ്‌നേഹവും കൊടുക്കുന്ന നല്ല ഭര്‍ത്താവ് ആണ്. അനി ഉറപ്പായും പാര്‍ട്ടിക്ക് വരുമെന്ന് തന്നെയാണ് ആരാധകര്‍ പറയുന്നത്. അനിയുടെ സ്വഭാവം വരെ നേരെ ആയി.എന്നിട്ടും സരസ്വതിയമ്മക്ക് മാത്രം ഒരു മാറ്റവും ഇല്ലെന്നാണ് പറയുന്നത്. അതൊക്കെ, പതുക്കെ മാറിക്കൊള്ളും, അനികുട്ടന് വരെ മാറ്റങ്ങൾ സംഭവിച്ചെങ്കിൽ ഈ അച്ഛമ്മയുടെ മാറ്റവും നമുക്ക് ഉടൻ കാണാം.

പിന്നെ, ഈ അനിരുദ്ധ്-ഇന്ദ്രജ വിഷയം ഉടൻ തീർക്കണം. ഈ എപ്പിസോഡ് കൂടി ഇന്ദ്രജയുടെ കാര്യത്തിൽ ഒരു തീരുമാനം ഉണ്ടാക്കണമെന്നും പ്രേക്ഷകർ ആഗ്രഹിക്കുന്നുണ്ട്. നമ്മുടെ മൊട്ട പോലീസെങ്കിലും അനിയെ കണ്ടിരുന്നെങ്കിൽ, കൊള്ളാമായിരുന്നു. സുമിത്ര തന്നെ, അനികുട്ടനെ രക്ഷിക്കുമെന്നും ചിലർ അഭിപ്രായപ്പെടുന്നുണ്ട്. എന്തൊക്കെ ആയാലും, അനികുട്ടൻ തിരിച്ചു വരും എന്നത് ഉറപ്പാണ്.

അതുപോലെ തന്നെ, അനി മരിച്ചാൽ കഥയുടെ ട്രാക്ക് തന്നെ മാറും അനിയെ ബോൾഡ് ആക്കി തിരിച്ചു കൊണ്ടുവരുന്ന ഒരു സീൻ പ്രതീക്ഷിക്കുന്നതായും ആരാധകർ പറയുന്നുണ്ട്. അനിയുടെ അഭിനയം ഒരു രക്ഷയുമില്ലെന്നാണ് പ്രേക്ഷകർ ഒന്നടങ്കം പറയുന്നത്. വില്ലത്തിയായ വേദികയേയും ആരാധകർ പുകഴ്ത്തുന്നുണ്ട് . ശരണ്യയുടെ അഭിനയം ഒരു വേറെ ലെവലെന്നാണ് പ്രേക്ഷകർ കമെന്റിലൂടെ പറയുന്നത്. എന്തായാലും ഈ ആഴ്ച മുതൽ കുടുംബവിളക്ക് ഗംഭീരമായി തിരിച്ചു വന്നിരിക്കുകയാണ്.