നടി അപർണ ബാലമുരളിക്ക് ഷൂട്ടിങ് ലൊക്കേഷനിൽ വച്ച് ദേഹാസ്വാസ്ഥ്യം ഉണ്ടായെന്ന തരത്തിൽ കഴിഞ്ഞ ദിവസം വാർത്തകൾ പ്രചരിചിരുന്നു. ഉണ്ണിമുകുന്ദനും അപർണ്ണയും പ്രധാന വേഷങ്ങളിലെത്തുന്ന ചിത്രത്തിന്റെ ചിത്രീകരണത്തിനിടെ താരത്തിന് ദേഹാസ്വാസ്ഥ്യം വന്നതോടെ ഷൂട്ടിംഗ് മാറ്റിവെച്ചു എന്നുള്ള രീതിയിലാണ് വാർത്തകൾ വന്നത്.

ഇതിൽ പ്രതികരണവുമായി എത്തിയിരിക്കുകയാണ് താരം. എന്റെ ആരോഗ്യത്തെക്കുറിച്ച് മോശമായ ചില വ്യാജവാർത്തകൾ പ്രചരിക്കുന്നുണ്ട്. ഞാൻ പൂർണമായും ആരോഗ്യവതിയാണ്. ദയവായി ഇത്തരം വ്യാജവാർത്തകൾ പ്രചരിപ്പിക്കുന്നത് നിർത്തുക! ആരും പരിഭ്രാന്തരാകരുത് എന്നാണ് എന്റെ എല്ലാ സുഹൃത്തുക്കളോടും കുടുംബാംഗങ്ങളോടും പറയാനുള്ളത്. ഞാൻ സുഖമായി ഇരിക്കുന്നു, എന്ന് അപർണ്ണ പറഞ്ഞു.

അഭിനേത്രി എന്ന നിലയിൽ മാത്രമല്ല ഗായികയുമായി പ്രേക്ഷകർക്ക് പ്രിയങ്കരിയാണ് അപർണ ബാലമുരളി. തുടക്കത്തിൽ തന്നെ മലയാള സിനിമയിൽ തന്റേതായ സ്ഥാനം കെട്ടിപ്പടുത്ത താരത്തിന് പിന്നീട് തിരിഞ്ഞു നോക്കേണ്ടി വന്നിട്ടില്ല.

അപർണ്ണയെ തേടിയെത്തുന്ന ചിത്രങ്ങളെല്ലാം ഹിറ്റ് ബോക്സുകൾ തേടി പായുകയായിരുന്നു. സൂര്യ നായകനായ സൂരൈ പോട്ര് എന്ന ചിത്രത്തിൽ അപർണയായിരുന്നു നായിക. മികച്ച അഭിപ്രായം ആയിരുന്നു ചിത്രത്തിന് ലഭിച്ചത്.