ഇന്നാണ് ആ പ്രഖ്യാപനം...! സംസ്ഥാന ചലച്ചിത്ര അവാർഡുകളുടെ പ്രഖ്യാപനം ഇന്ന്, ആരാണ് മികച്ച നടനും...നടിയും...ജൂറിക്ക് മുന്നിലെത്തിയത് ഇത്തവണ 140ഓളം ചിത്രങ്ങൾ, മലയാളത്തിലെ പരിചയ സമ്പന്ന താരങ്ങളും പുതുമുഖങ്ങളും തമ്മിലുള്ള ഏറ്റുമുട്ടലിന് ഇന്ന് പരിമാപ്തി...!
മലായള സിനിമാ പ്രേമികൾ കാത്തിരുന്ന ആ പ്രഖ്യാപനം ഇന്ന് നടക്കും. 52-ാമത് സംസ്ഥാന ചലച്ചിത്ര അവാർഡുകൾ ഇന്ന് വൈകീട്ട് അഞ്ചിന് പ്രഖ്യാപിക്കും. സിനിമാമേഖലയെ സംബന്ധിച്ച് കൊവിഡില് നേരിട്ട പ്രതിസന്ധി തുടര്ന്ന വര്ഷമായിരുന്നു 2021. തിയറ്ററുകള് അടഞ്ഞുകിടന്ന നിരവധി മാസങ്ങള് കഴിഞ്ഞ വര്ഷവുമുണ്ടായിരുന്നു.
അക്കാലയളവില് ഒടിടി പ്ലാറ്റ്ഫോമുകളാണ് സിനിമാമേഖലയ്ക്ക് തുണയായത്. ആരാണ് മികച്ച നടനും...നടിയും മികച്ച ചിത്രം ഏതാണ് എല്ലാം അറിയാൻ ഇനി മണിക്കൂറുകൾ മാത്രമാണ് അവശേഷിക്കുന്നത്.മലയാളത്തിലെ മുന്നിര നായകന്മാരുടെയെല്ലാം ചിത്രങ്ങള് ഇത്തവണയുണ്ട്. അതില് മികവുറ്റ പ്രകടനങ്ങളുമുണ്ട്. അതില് പലരും മുന്പ് സംസ്ഥാന പുരസ്കാരങ്ങള് നേടിയിട്ടുള്ളവരുമാണ്.
അവാര്ഡിന് മത്സരിക്കുന്നവയില് മമ്മൂട്ടി, മോഹന്ലാല്, ദുല്ഖര്, പ്രണവ്, പൃഥ്വിരാജ്, സുരേഷ് ഗോപി എന്നിവരുടെയൊക്കെ ചിത്രങ്ങളുണ്ട്. ഗ്രേസ് ആന്റണി, പാര്വ്വതി തിരുവോത്ത്, ദര്ശന രാജേന്ദ്രന് എന്നിവരുടേതാണ് കഴിഞ്ഞ വര്ഷത്തെ ശ്രദ്ധേയ പ്രകടനങ്ങളില് ചിലത്. നിവിന് പോളി നായകനായ ചിത്രത്തില് ഹരിപ്രിയ എന്ന മുന് സീരിയല് നടിയുടെ റോളിലാണ് ഗ്രേസ് എത്തിയത്.
പ്രകടനത്തില് ഏറെ സൂക്ഷ്മത ആവശ്യപ്പെടുന്ന കഥാപാത്രത്തെ ഗംഭീരമായാണ് അവര് അവതരിപ്പിച്ചത്. പരിചയ സമ്പന്നരും പുതുമുഖങ്ങളും തമ്മിലുള്ള ഏറ്റുമുട്ടലാണ് ഇത്തവണത്തെ പ്രത്യേകത.പോയവർഷം 80ഓളം സിനിമകളാണ് പരിഗണിക്കപ്പെട്ടതെങ്കിൽ ഇക്കുറി ജൂറിക്ക് മുന്നിലെത്തിയത് 140ഓളം ചിത്രങ്ങളാണ്.
അന്തിമ റൗണ്ടിൽ 45ഓളം സിനിമകൾ എത്തി എന്നാണ് വിവരം. ബോളിവുഡ് സംവിധായകനും തിരക്കഥാകൃത്തുമായ സയ്യിദ് അഖ്തര് മിര്സയാണ് ജൂറി ചെയര്മാന്. മികച്ച സംവിധായകനും തിരക്കഥാകൃത്തിനുമുള്ള ദേശീയ പുരസ്കാരം സയ്യിദ് മിര്സയ്ക്ക് ലഭിച്ചിട്ടുണ്ട്.
സംവിധായകനും ചലച്ചിത്ര നിരൂപകനുമായ കെ.ഗോപിനാഥന്, പ്രമുഖ സംവിധായകന് സുന്ദര്ദാസ് എന്നിവര് പ്രാഥമിക വിധിനിര്ണയ സമിതിയിലെ രണ്ട് സബ് കമ്മിറ്റികളുടെ ചെയര്മാന്മാരായിരിക്കും. ഇരുവരും അന്തിമ വിധിനിര്ണയ സമിതിയിലെ അംഗങ്ങളുമായിരിക്കും.
https://www.facebook.com/Malayalivartha
