ബിഗ്ബോസിലൂടെ പ്രേക്ഷകർക്ക് പരിചിതയായ താരമാണ് ജാനകി സുധീർ. ഇപ്പോൾ താരത്തിന്റെ ഒരു ഫോട്ടോ ഷൂട്ട് വിവാദമായിരിക്കുകയാണ്. ഓണത്തിന് പലരും നടത്തുന്ന ഫോട്ടോഷൂട്ടില്‍ നിന്നും വ്യത്യസ്തമായ ഫോട്ടോഷൂട്ട് ആണ് ജാനകി നടത്തിയത്. ആഭരണ വിഭൂഷയായി നില്‍ക്കുന്ന അര്‍ധനഗ്ന ഫോട്ടോഷൂട്ടിൽ മുണ്ട് മാത്രമാണ് ധരിച്ചിരിക്കുന്നത്. ആഭരണങ്ങള്‍ കൊണ്ട് മാറിടം മറച്ചിരിക്കുകയാണ്.

ചിത്രത്തില്‍ ജാനകിയുടെ മുഖത്ത് രൗദ്ര ഭാവമാണ്. കഴിഞ്ഞ ദിവസം ചിത്രങ്ങൾ പങ്കുവെച്ചപ്പോൾ തന്നെ ഇത്തരത്തിലൊരു ഫോട്ടോഷൂട്ടിൽ പല ആരാധകരും നെറ്റി ചുളിച്ചിരുന്നു. ഇതിന് പിന്നാലെയാണ് ജാനകി വീണ്ടും പുത്തൻ ചിത്രം പങ്കുവെച്ചിരിക്കുന്നത്. ഗോൾഡ് കവറിങ് ആഭരണക്കടയുടെ പരസ്യത്തിൻ്റെ ഭാഗമായാണ് ജാനകി ഇത്തരത്തിലൊരു ഫോട്ടോഷൂട്ട് നടത്തിയിരിക്കുന്നത്. ഇതാദ്യമല്ല ജാനകി ഇത്തരം ബോൾഡ് ഫോട്ടോഷൂട്ട് നടത്തുന്നത്. മുൻപും ഇത്തരത്തിൽ ടോപ് ലെസ്സ് ഫോട്ടോഷൂട്ടുകളിലൂടെ ജാനകി സോഷ്യൽ മീഡിയയിൽ പങ്കു വച്ചിട്ടുണ്ട്.

തൻ്റെ ശരീരത്തില്‍, തനിയ്ക്ക് കംഫര്‍ട്ട് ആയ രീതിയിലുള്ള ഫോട്ടോഷൂട്ടുകള്‍ നടത്തുന്നതിനോട് യാതൊരു എതിര്‍പ്പും ഇല്ല എന്നും നടി പറഞ്ഞിട്ടുണ്ട്. ഫോട്ടോഷൂട്ട് നടത്താന്‍ വേണ്ടി തടിച്ച്, ചബ്ബിയായിട്ടുള്ള തൻ്റെ ശരീര വണ്ണം വർക്കൌട്ടിലൂടെ കുറച്ചിരുന്നു. ഞാന്‍ വളരെ ഡെഡിക്കേറ്റഡ് ആയി ചെയ്യുന്ന ഫോട്ടോഷൂട്ടിന് മറ്റൊരാള്‍ കുറ്റം പറയുമ്പോള്‍ അവരുടെ കാഴ്ചപ്പാട് തെറ്റായതിൻ്റെ പ്രശ്നമാണ് എന്ന് ജാനകി തുറന്ന് പറഞ്ഞിട്ടുണ്ട്. അടുത്തിടെ ഇറങ്ങിയ ജാനകി അഭിനയിച്ച ലെസ്ബിയന്‍ കഥ പറയുന്ന ഹോളി വൂണ്ട് വിവാദമായിരുന്നു. ഇതിനു പിന്നാലെയാണ് താരംഫോട്ടോഷൂട്ട് നടത്തിയത്.