ദിലീപ് -ലാൽ ജോസ് ടീമിനെ കുറിച്ച് കേൾക്കുമ്പോൾ മലയാളി പ്രേക്ഷകരുടെ മനസിലേക്ക് വരുന്നത് മീശ മാധവനാണ്. 2013ൽ പുറത്തിറങ്ങിയ ഏഴ് സുന്ദര രാത്രികളാണ് ദിലീപ്- ലാൽ ജോസ് കൂട്ടുകെട്ടിൽ പുറത്തിറങ്ങിയ അവസാന ചിത്രം. ഇനി എപ്പോഴാണ് ഈ കൂട്ടുക്കെട്ടിൽ ഒരു ചിത്രം ഉണ്ടാകുന്നത് ? എല്ലാവരും ആകാംഷയോടെ കാത്തിരിക്കുകയാണ്. ഏഴ് സുന്ദര രാത്രികൾ പുറത്തിറങ്ങിയിട്ട് ഏകദേശം ഒമ്പത് വർഷങ്ങൾ കഴിയുന്നു. എന്നാൽ ഈ വിഷയത്തിൽ ലാൽ ജോസിന്റെ ഒരു വെളിപ്പെടുത്തൽ പുറത്ത് വന്നിരിക്കുകയാണ് .

ദിലീപിനൊപ്പം ഇപ്പോൾ ഒരു സിനിമ ചെയ്യാൻ പേടിയാണെന്നാണ് ലാൽ ജോസ് പറയുന്നത്. ആളുകൾ മീശ മാധവനിൽ കുറഞ്ഞതൊന്നും പ്രതീക്ഷിക്കുന്നില്ല എന്നതാണ് അതിന് കാരണം. നല്ലൊരു കഥയ്ക്കായി കാത്തിരിക്കുകയാണ്. അടുത്ത വർഷം പ്രതീക്ഷിക്കാമെന്നും ലാൽ ജോസ് പറയുന്നു. ഓരോ ജൂലൈ നാല് കഴിയുമ്പോഴും ദിലീപ് ആയി ഒരു സിനിമ ചെയ്യണമെന്ന് ചിന്തിക്കാറുണ്ടോ എന്ന ചോദ്യത്തിന് മറുപടി ഇങ്ങനെ; .

ജൂലൈ നാല് എന്നല്ല എപ്പോഴും അയാളോടൊപ്പം വർക്ക് ചെയ്യാൻ എനിക്ക് ഇഷ്ടമാണ്. എന്താണ് പ്രശ്‌നമെന്ന് വെച്ചാൽ ഞങ്ങൾ രണ്ടാളും മീശ മാധവൻ ചെയ്ത പ്രായമല്ല ഇപ്പോൾ. ആളുകൾ മീശമാധവനിൽ കുറഞ്ഞതൊന്നും പ്രതീക്ഷിക്കുന്നുമില്ല. അപ്പോൾ പേടിയാണ് ഒരുമിച്ചു ഒരു സിനിമ ചെയ്യുന്നത് എന്നാണ് അദ്ദേഹം പാഞ്ഞിരിക്കുന്നത്.