സിനിമാതാരങ്ങൾ പങ്കുവെക്കുന്ന പോസ്റ്റിന് കീഴിൽ അശ്ലീല കമന്റും ലൈംഗിക കമന്റുകളും ഇടുന്നത് ചിലർക്ക് ഒരു ലഹരിയാണ്. ഇപ്പോൾ ഇതാ ഇത്തരത്തിൽ ഒരു കമന്റുകൾക്ക് ചുട്ട മറുപടിയുമായി അഭിരാമി സുരേഷ് വന്നിരിക്കുകയാണ്. തന്റെ മുഖത്തെ കുറിച്ച് വിമർശിച്ചവരോട് അഭിരാമി പറയുന്നത് ഇങ്ങനെ;

തന്റെ മുഖം സംസാര രീതി എന്നിവയെ കുറിച്ച് വരെ മോശം കമന്റുകൾ വരുന്നുണ്ട്. പ്രോഗനാതിസം എന്നൊരു അവസ്ഥയാണ് എന്റെ മുഖം ഇങ്ങനെ ആവാൻ കാരണം പ്ലാസ്റ്റിക്ക് സർജറി ചെയ്ത് ശരിയാക്കാം ഞാൻ അത് ചെയ്യാൻ ഉദ്ദേശിക്കുന്നില്ല. എന്റെ മുഖത്തെ പറ്റി ഓരോന്ന് പറയുന്നത് അവരുടെ വൈകൃതമായാണ് ഞാൻ കാണുന്നത്. അതിനോട് എനിക്ക് ഒരു വിഷയവുമില്ലെന്നും എന്റെ ഈ വൈകല്യം കൊണ്ടാണ് ജീവിക്കാൻ തീരുമാനമെന്നും അഭിരാമി പറഞ്ഞു.

ബിഗ് ബോസ് കഴിഞ്ഞു കുറച്ചു നാൾ കഴിഞ്ഞപ്പോൾ മുതൽ എനിക്കും കുടുംബത്തിനും, പാപ്പുവിനെതിരെ ഉൾപ്പെടെ ഒരുപാട് പേർ ദ്രോഹിക്കുന്ന വിധത്തിലുള്ള കമന്റുകൾ ചെയ്യുകയാണ്. നിങ്ങൾ ലൈം ലൈറ്റിൽ നിൽക്കുന്നവർ അതുകൊണ്ട് ഇതൊക്കെ കേൾക്കാൻ ബാധ്യസ്ഥരല്ലേ അങ്ങനെ എടുത്ത് വിട്ടൂടെ എന്നൊക്കെ ആളുകൾ ചോദിക്കാറുണ്ട്. പക്ഷെ ഒരു പരിധി വിട്ടു കഴിഞ്ഞാൽ ഒന്നും സഹിക്കേണ്ട ആവശ്യമില്ല. പരിധി വിടാൻ കാത്തിരിക്കുന്നത് തന്നെ മണ്ടത്തരമാണ് എന്നും മോശം കമന്റിടുന്നവർക്ക് എതിരെ നിയമപരമായി നീങ്ങുമെന്ന് അഭിരാമി സുരേഷ് അറിയിച്ചു.