സുകുവേട്ടന്റെ മല്ലികേ ഉറങ്ങിയോ? അതുശരി ഞാനിവിടെ ഉറങ്ങാതിരിക്കുമ്പോള് നീ നേരത്തെ കയറി കിടന്നോ; അർദ്ധരാത്രി മല്ലിക സുകുമാരനെ തേടിയെത്തിയ ആ ഫോൺ കോൾ....
സിനിമയിൽ മാത്രമല്ല സോഷ്യൽ മീഡിയയിലും ഏറെ ആരാധകരുളള താര കുടുംബമാണ മല്ലിക സുകുമാരന്റേത്. മകളായ പൃഥ്വിരാജ്, ഇന്ദ്രജിത്ത്, മരുമക്കളായ പൂർണ്ണിമ, സുപ്രിയ എന്നിവർ സമൂഹമാധ്യമങ്ങളിൽ സജീവമാണ് . തങ്ങളുടെ സന്തോഷങ്ങളും വിശേഷങ്ങളും ഇവർ ആരാധകരുമായി പങ്കുവെയ്ക്കാറുണ്ട്. ഇപ്പോഴിതാ ഇന്ദ്രജിത്തും നടന് സുരാജ് വെഞ്ഞാറമൂടും ചേര്ന്ന് തന്നെ പറ്റിച്ച കഥ പറയുകയാണ് മല്ലിക. ഒരു യൂട്യൂബ് ചാനലിന് നൽകിയ അഭിമുഖത്തിലായിരുന്നു താരം മനസ് തുറന്നത്. മല്ലികയുടെ വാക്കുകൾ ഇങ്ങനെ...
ആദ്യമായിട്ടാണ് എനിക്ക് അങ്ങനൊരു ഫോണ് വരുന്നത്. ഇപ്പോഴൊന്നുമല്ല, രണ്ട് കൊല്ലം മുമ്പാണ്. ഏതോ ഒരു പടത്തിന്റെ സെറ്റിലാണ്. രാത്രി ഒരു മണിക്കൊരു കോള്. ഇന്ദ്രന്റെ നമ്പറില് നിന്നുമാണ്. ആ സമയത്തൊന്നും കോള് വരത്തില്ലാത്തതാണ്. അവര്ക്കറിയാം പത്തരയാകുമ്പോള് ഞാന് കിടക്കുമെന്ന്. എന്തെങ്കിലും എമര്ജെന്സിയുണ്ടെങ്കിലേ വിളിക്കൂ. ഞാന് ഹലോ എന്ന് പറഞ്ഞപ്പോള് ഒന്നും കേള്ക്കുന്നില്ല, കട്ടായി. വീണ്ടും അതേ നമ്പറില് നിന്നും കോള്. എടുത്തപ്പോള് സുകുവേട്ടന്റെ മല്ലികേ ഉറങ്ങിയോ എന്ന ചോദ്യം. സുകുവേട്ടന് സംസാരിക്കുന്നത് പോലെ തന്നെ.
അതുശരി ഞാനിവിടെ ഉറങ്ങാതിരിക്കുമ്പോള് നീ നേരത്തെ കയറി കിടന്നോ എന്നൊക്കെ ചോദിച്ചു. സുരാജായിരുന്നു അത്. എന്തൊരു കറക്ടാണ് സുരാജ് സംസാരിക്കുന്നത്. ഇത് ഇന്ദ്രനല്ലല്ലോ ആരാണെന്ന് ഞാന് ചോദിച്ചു. അതുശരി എന്റെ ശബ്ദം പോലും മനസിലാകാതായല്ലോ എന്നായി. ആരാണെന്ന് പറയണമെന്ന് ഞാന് പറഞ്ഞു. ഇന്ദ്രന് വേഗം ഫോണ് വാങ്ങിയിട്ട് അമ്മേ സുരാജേട്ടനാണ് എന്ന് പറഞ്ഞു.
പോടാ അവിടുന്നെന്ന് ഞാന് പറഞ്ഞു. ഇത് ആദ്യമായിട്ടാണ് ഒരാള് സുകുവേട്ടന്റെ ശബ്ദത്തില് വിളിക്കുന്നത്. ഒന്ന് കിടുങ്ങി. എന്റെ ഉറക്കം പോയി എന്തായാലും എന്ന് ഞാന് പറഞ്ഞു. സുരാജ് പറയുന്നത് ടിപ്പിക്കല് സുകുവേട്ടന്റെ ശബ്ദത്തിലാണ്. ആ മൂളലും വിളിയുമൊക്കെയുണ്ട്. ഇന്ദ്രനും സുകുവേട്ടന്റെ ശബ്ദം എടുക്കും. ഉറക്കം പോക്കി തന്നതിന് സുരാജിനോട് വലിയ നന്ദിയുണ്ടെന്ന് പറയാന് പറഞ്ഞു. എല്ലാത്തിലും ഇത്തിരി തമാശകലര്ത്തുന്നയാളാണ് ഇന്ദ്രന്. രാജു വെട്ടൊന്ന് മുറി രണ്ട് എന്ന രീതിയാണെന്നാണ് മല്ലിക പറയുന്നത്.
https://www.facebook.com/Malayalivartha
