പ്രഭു യാത്രയായി .. നന്ദുട്ടനെ പോലെ; കുറച്ച് നാൾ മുന്നേ അവനെ കാണുമ്പോൾ വേദനയിലും ചിരിയോടെയാണ് എന്നെ സ്വീകരിച്ചത്: സ്വപ്നങ്ങളും പ്രതീക്ഷകളുമായിരുന്നു എറെയുണ്ടായിരുന്നത് ഈ രാജകുമാരന്- കുറിപ്പുമായി സീമ ജി നായർ
അഭിനേത്രി എന്നതിൽ അപ്പുറം ആതുര സേവന രംഗത്ത് സജീവമാണ് നടി സീമ ജി നായർ. തന്നോട് സഹായം ചോദിക്കുന്നവർക്ക് ഒരു കൈത്താങ്ങായി ഓടി എത്താറുണ്ട്. ക്യാൻസർ രോഗികൾക്കായുള്ള സാമൂഹിക സേവന പ്രവർത്തനങ്ങളുടെ പേരിൽ സീമ ഏറെ ശ്രദ്ധനേടിയിട്ടുണ്ട്. നടി ശരണ്യയുടെ ഒപ്പം താങ്ങും തണലുമായി ഉണ്ടായിരുന്നത് സീമയായിരുന്നു. അപൂർവ്വ രോഗത്തെ ഇച്ഛാശക്തിക്കൊണ്ടും മനോധൈര്യത്തോടേയും പോരാടിയ പ്രഭുലാൽ പ്രസന്നയുടെ മരണത്തിന് കീഴടങ്ങിയ പ്രഭുലാൽ പ്രസന്നനെയും സീമ ചേർത്ത് പിടിച്ചിരുന്നു. വിയോഗ വാർത്ത വന്നതിന് പിന്നാലെ സീമ പങ്കുവച്ച കുറിപ്പാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. താരത്തിന്റെ കുറിപ്പ് ഇങ്ങനെ.
'പ്രഭു യാത്രയായി .. നന്ദുട്ടനെ പോലെ അപ്രതീക്ഷിത വിയോഗം. സ്വപ്നങ്ങളും പ്രതീക്ഷകളുമായിരുന്നു എറെയുണ്ടായിരുന്നത് ഈ രാജകുമാരന്. കുറച്ച് നാൾ മുന്നേ അവനെ കാണുമ്പോൾ വേദനയിലും ചിരിയോടെയാണ് എന്നെ സ്വീകരിച്ചത് ..അന്നവന്റെ മുഖത്ത് കണ്ട തിളക്കം പോലെ ജീവിത്തിലൂടെനീളം ആ തിളക്കം ഉണ്ടാവുമെന്ന് പ്രതീക്ഷിച്ചിരുന്നു ..ജീവിതം എപ്പോളും അങ്ങനെ ആണല്ലോ ..മോനെ എന്താണ് പറയേണ്ടത് ..സ്നേഹിക്കുന്നവർ ഓരോരുത്തരായി കൊഴിയുന്നു ..ഒന്നും പറയാനില്ല..വാക്കുകൾ മുറിയുന്നു.. ആദരാഞ്ജലികൾ..' എന്നാണ് സീമ ജി നായർ ഫെയ്സ്ബുക്കിൽ കുറിച്ചത്.
ഇന്ന് രാവിലെയാണ് ആലപ്പുഴ സ്വദേശിയായ പ്രഭുലാൽ പ്രസന്നൻ അന്തരിച്ചത്. മാലിഗ്നന്റ് മെലോമ എന്ന സ്കിന് കാന്സര് ആണ് പ്രഭുവിനെ ബാധിച്ചിരുന്നത്. മുഖത്തിന്റെ മുക്കാല്ഭാഗവും ഒരു ചെവിയും നെഞ്ചും മൂടിയ കറുത്ത മറുകും അതേ തുടർന്നുള്ള രോഗാവസ്ഥകളും കാരണം ചികിത്സയിലായിരുന്നു. നേരത്തെ പ്രഭുലാൽ സോഷ്യൽ മീഡിയയിലൂടെ ചികിത്സയ്ക്ക് സുമനസുകളുടെ സഹായം തേടിയിരുന്നു.
https://www.facebook.com/Malayalivartha