ന്യൂ ജനറേഷന്‍ തമാശകളിലൂടെ പ്രേക്ഷക ശ്രദ്ധ നേടിയ നടനാണ് അജു വര്‍ഗീസ്. 2010ല്‍ മലര്‍വാടി ആട്‌സ് ക്ലബ്ബിലൂടെ അഭിനയരംഗത്ത് എത്തിയ അജു വര്‍ഗീസ് ഇപ്പോള്‍ മലയാള സിനിമയുടെ നിറ സാന്നിധ്യമായി തുടരുകയാണ്. ഷാഫി സംവിധാനം ചെയ്ത ടു കണ്‍ഡ്രീസാണ് അജുവിന്റേതായി അടുത്തിടെ പുറത്തിറങ്ങിയ ചിത്രം. ദിലീപ് നായകനായ ടു കണ്‍ഡ്രീസില്‍ അഭിനയിക്കാന്‍ തനിയ്ക്ക് നല്ല പേടി ഉണ്ടായിരുന്നുവെന്ന് അജു പറയുന്നു.
ഇതുവരെ കുറേ നല്ല കോമഡി കഥപാത്രങ്ങള്‍ ചെയ്തു. പക്ഷേ അഭിനയിച്ച ചിത്രങ്ങളില്‍ നിന്നും വ്യത്യസ്തമായ ഒരു അനുഭവമായിരുന്നു ടു കണ്‍ഡ്രീസില്‍ നിന്നും തനിക്ക് ലഭിച്ചത്. ഒരു ഹ്യൂമര്‍ സ്‌ക്രിപ്റ്റില്‍ നിന്ന് വീണ്ടുമൊരു ഹ്യൂമര്‍ ക്രിയേറ്റ് ചെയ്യുക അതായിരുന്നു ടു കണ്‍ഡ്രീസിലെ ഓരോ കഥാപാത്രങ്ങളും. എന്നാല്‍ അത്തരമൊരു കഥാപാത്രങ്ങളെ അവതരിപ്പിക്കുക ഏറെ പ്രയാസമായിരുന്നു എന്ന് അജു പറയുന്നു.
ഹ്യൂമര്‍ സ്‌ക്രിപ്റ്റില്‍ നിന്ന് വീണ്ടും ഹ്യൂമര്‍ ക്രിയേറ്റ് ചെയ്യുക അത്ര എളുപ്പമുള്ള കാര്യമല്ല. എന്നാല്‍ ദിലീപിനെ പോലെ നല്ല പ്രതിഭയുള്ളവര്‍ക്കേ അത് സാധിക്കുവെന്ന് അജു വര്‍ഗീസ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha