നടി കല്‍പ്പനയുടെ മരണം വിശ്വസിക്കാന്‍ പറ്റാത്ത മരണം തന്നെ എന്നു പറയാം. കല്‍പ്പന അവസാനം അഭിനയിച്ച ചാര്‍ലി എന്ന സിനിമയിലും മരണം വിരുന്നെത്തിയത് അപ്രതീക്ഷിതമായിട്ടായിരുന്നു. ക്യൂന്‍മേരി എന്ന കഥാപാത്രം ചാര്‍ലിയുടെയൊപ്പം പാട്ടുപാടി നൃത്തം ചെയ്ത്, കടലിന്റെ സൗന്ദര്യം ആസ്വദിച്ചുകൊണ്ടിരിക്കെ പ്രേക്ഷകന്റെ കണ്‍മുമ്പില്‍വെച്ച് കടലിന്റെ ആഴങ്ങളിലേക്ക് പോവുകയായിരുന്നു. ക്യൂന്‍മേരി മരിച്ചുവെന്ന് വിശ്വസിക്കാനാവാതെ പ്രേക്ഷകര്‍ ഒരുനിമിഷം ശ്വാസം അടക്കി തീയറ്ററില്‍ ഇരുന്നുപോയിട്ടുണ്ട്. 

കല്‍പ്പനയുടെ മരണവാര്‍ത്തയോടും മലയാളികള്‍ ഒന്നടങ്കം ഇതേരീതിയില്‍ തന്നെയാണ് പ്രതികരിക്കുന്നത്. കല്‍പ്പന മരിച്ചെന്ന് ... വിശ്വസിക്കാന്‍ വയ്യാത്ത അവസ്ഥ. ഒരു നൂറ് കഥാപാത്രങ്ങള്‍ മനസ്സിലെത്തുന്നു... അത്രത്തോളം ഞെട്ടിച്ചു ഈ മരണം! ചാര്‍ലിയിലെ ക്യൂന്‍മേരിയുടെ മരണത്തോടെ അനാഥയായിപോവുന്ന മകളെക്കുറിച്ചായിരുന്നു പ്രേക്ഷകര്‍ ചിന്തിച്ചത്.കല്‍പ്പന വിടവാങ്ങുമ്പോള്‍ തനിച്ചായിപോവുന്ന മകള്‍ ശ്രീമയിയെക്കുറിച്ചോര്‍ത്തും, കല്‍പ്പനയെ സ്‌നേഹിക്കുന്നവര്‍ ഒന്നടങ്കം സങ്കടപ്പെടുന്നുണ്ട്. ദൈവകല്‍പ്പന ഇതാണെങ്കില്‍ മനുഷ്യന് അതിനുമുമ്പില്‍ പകച്ചുനില്‍ക്കാനല്ലേ സാധിക്കൂ...എല്ലാവരേയും നൊമ്പരപ്പെടുത്തി ആ ഹാസ്യകഥാപാത്രം എന്നെന്നേയ്ക്കുമായി വിടവാങ്ങി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha