എനിക്ക് നഷ്ടമായത് സ്വന്തം ചേച്ചിയെ. എനിക്കിത് താങ്ങാനാകുന്നില്ല. കേട്ടപ്പോള്‍ സത്യമാകരുതെ എന്നു പ്രാര്‍ത്ഥിച്ചു. ആദ്യം സിനിമയില്‍ എത്തുമ്പോള്‍ കോമഡി ചെയ്യുന്നതൊക്കെ ഞാന്‍ ചേച്ചിയില്‍ നിന്നാണ് കണ്ടുപടിച്ചത്. സെറ്റിലെ താരം തന്നെ ചേച്ചിയായിരുന്നു.നടി കല്‍പ്പനയുടെ നിര്യാണത്തില്‍ ഖേദം പ്രകടിപ്പിച്ച് നടന്‍ ദിലീപ്. കല്‍പ്പനയുടെ വിയോഗവാര്‍ത്ത വിശ്വസിക്കാനാകുന്നില്ല. സ്വന്തം ചേച്ചിയായിരുന്നു കല്‍പ്പനയെന്നും ദിലീപ് പറയുന്നു. ഫേസ്ബുക്കിലാണ് ദിലീപിന്റെ പ്രതികരണം.
ദിലീപിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം:
ഈ വാര്‍ത്ത വിശ്വസിക്കാന്‍ ഇപ്പോഴും എനിക്കാവുന്നില്ല. കല്‍പ്പനചേച്ചി ഒരു സഹപ്രവര്‍ത്തക മാത്രമായിരുന്നില്ല, എന്റെ സ്വന്തം ചേച്ചി തന്നെ ആയിരുന്നു. വാട്ട്‌സാപ്പില്‍ പോസ്റ്റ് കണ്ടപ്പൊ ആദ്യം വിശ്വസിച്ചില്ല, അധികം കഴിയും മുന്‍പേ നുണയാവണെ എന്നു പ്രാര്‍ത്ഥിച്ചത് സത്യമാണെന്നു ഉറപ്പിച്ച് ദുബായിലെ ലൊക്കേഷനില്‍ ആ ദു:ഖവാര്‍ത്തയെത്തി, കല്‍പ്പനേച്ചി ഇനി ഓര്‍മ്മമാത്രം.
എന്നോടിഷ്ടം കൂടാമൊ എന്ന ചിത്രത്തിന്റെ ലൊക്കേഷനില്‍ വച്ചാണു ഞാന്‍ ചേച്ചിയെ പരിചയപ്പെടുന്നത്, ഒരു സംവിധാന സഹായിയുടെ റോളില്‍, പിന്നീട് ഇതേവരെ എന്റെ ഒരു മൂത്ത ചേച്ചിയുടെ സ്‌നേഹവും, അധികാരവും എന്നോടുകാണിച്ചിരുന്ന കല്‍പ്പനേച്ചി ഇനിയില്ല. പക്ഷെ അവര്‍ ചെയ്ത നിരവധി കഥാപാത്രങ്ങളിലൂടെ എന്നും ചേച്ചിയുണ്ടാവും. കല്‍പ്പനേച്ചിയുടെ ആത്മാവിനു നിത്യശാന്തി നേരുന്നു.'

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha