ജയറാമിന്റെ മകന്‍ കാളിദാസിന് ആശംസനേര്‍ന്ന് മെഗാസ്റ്റാര്‍ മമ്മൂട്ടി. തന്റെ ഫെയ്‌സ്ബുക്കില്‍ കാളിദാസ് യായകനായിയെത്തുന്ന ഒരു പക്ക കഥൈ എന്ന ചിത്രത്തിന്റെ ടീസര്‍ ഷെയര്‍ ചെയ്തുകൊണ്ടാണ് മമ്മൂട്ടി കാളിദാസിന് ആശംസകള്‍ നേര്‍ന്നിരിയ്ക്കുന്നത്. കണ്ണാ എന്ന ഓമനപ്പേര് വിളിച്ചുകൊണ്ടാണ് ആശംസ. ഗിന്നസ് പക്രു, സുരാജ് വെഞ്ഞാറമൂട് അടക്കുമുള്ള മലയാത്തിലെ പ്രമുഖ നടന്മാര്‍ താരപുത്രന് ആശംസം നേര്‍ന്ന് ടീസര്‍ ഷെയര്‍ ചെയ്തിരുന്നു.
കൊച്ചു കൊച്ചു സന്തോഷങ്ങള്‍, എന്റെ വീട് അപ്പൂന്റെയും എന്നീ ചിത്രങ്ങളിലൂടെ മലയാളത്തിലാണ് ജയറാമിന്റെ മകന്‍ കാളിദാസ് അരങ്ങേറ്റം കുറിച്ചതെങ്കിലും നായകനായി മടങ്ങിവരുന്നത് തമിഴ് സിനിമയിലൂടെയാണ്. സത്യന്‍ അന്തിക്കാട് സംവിധാനം ചെയ്ത ചിത്രത്തില്‍ ജയറാമിന്റെ മകനായിട്ട് തന്നെയാണ് കാളിദാസ് വേഷമിട്ടത്. എന്റെ വീട് അപ്പൂവിന്റെയും എന്ന ചിത്രത്തിലൂടെ ജയറാമിന്റെ മകനായി വീണ്ടും കാളിദാസ് വന്നു. ചിത്രത്തിലെ അഭിനയത്തിന് മികച്ച ബാലനടനുള്ള ദേശീയ പുരസ്‌കാരവും ലഭിച്ചിരുന്നു.
കാളിദാസിനെ നായകനാക്കി ചെയ്യുന്ന ചിത്രത്തിന്റെ ടീസര്‍ ഇന്നലെ (ജനുവരി 3ന്) റിലീസായിരുന്നു. നടുവില കൊഞ്ചം പാക്കത്തെ കാണോം എന്ന ചിത്രത്തിലൂടെ ശ്രദ്ധേയനായ ബാലാജി തരണീതരന്‍ സംവിധാനം ചെയ്യുന്ന ചിത്രമാണ് ഒരു പക്ക കഥൈ. മേഘ്‌ന ആകാശാണ് ചിത്രത്തിലെ നായികയായി വേഷമിട്ടിരിക്കുന്നത്.
കാളിദാസിന്റെ അടുത്ത ചിത്രവും തമിഴിലാണ്. മീന്‍ കൊഴമ്പും മാണ്‍ പാനിയും എന്ന് പേരിട്ടിരിയ്ക്കുന്ന ചിത്രത്തില്‍ പ്രഭു ഒരു പ്രഥാന കഥാപാത്രത്തെ അവതരിപ്പിയ്ക്കുന്നു. അസ്‌ന സവേരിയാണ് നായിക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha