അഭിനയ മികവിലൂടെ പ്രേക്ഷകനെ ഞെട്ടിച്ച നടനാണ് ഫഹദ് ഫാസില്‍. തന്റെ ആദ്യ സിനിമയുടെ അപ്രധീക്ഷിത പരാജയത്തിന് ശേഷം സിനിമയില്‍ നിന്ന് തന്നെ വിട്ട് നിന്ന താരം, പിന്നീട് ഗംഭീര തിരിച്ച് വരവ് നടത്തുന്നതാണ് മലയാള സിനിമ കണ്ടത്. അത് ഇപ്പോള്‍ എത്തിനില്ക്കുന്നത് മികച്ച പ്രകടനവുമായി മുന്നേറുന്ന ദിലീഷ് പോത്തന്‍ സംവീധാനം ചെയ്ത മഹേഷിന്റെ പ്രതികാരം എന്ന ചിത്രം വരെയാണ്.
തന്റെ കരിയറില്‍ ഒരു സിനിമയാണ് ഞാന്‍ തിരഞ്ഞെടുത്തിട്ടുള്ളത്. ബാക്കിയെല്ലാം സിനിമ എന്നെ തിരഞ്ഞെടുക്കുകയായിരുന്നു. പ്ലാന്‍ ചെയ്ത് പ്രൊജക്ട് ഉണ്ടാക്കുന്ന ആളല്ല. അങ്ങനെ ചെയ്ത ഏക പ്രൊജക്ട് തിയേറ്ററുകളില്‍ മികച്ച പ്രതികരണം ലഭിച്ച അന്നയും റസൂലും ആണ്. രാജീവ് രവി ഒരു ഡയറക്ടറായി കാണാനുള്ള ആഗ്രഹമായിരുന്നു. അദ്ദേഹത്തോടൊപ്പം ഒരു സിനിമ ചെയ്യണമെന്നു ആഗ്രഹത്തില്‍ നിന്നുണ്ടായതാണ് അന്നയും റസൂലും. ബാക്കിയെല്ലാ സിനിമകളും സംഭവിക്കുകയായിരുന്നു എന്ന അദ്ദേഹം പറഞ്ഞു.
ഓടുന്ന ഒരു സിനിമ ഏതാണെന്നു ചോദിച്ചാല്‍ എനിക്ക് അറിയില്ല. ഇതൊരു പ്രോസസ് ആണ്. ആ പ്രോസസില്‍ നിന്ന് ഞാന്‍ പഠിക്കുകയും പല കാര്യങ്ങളും മനസിലാക്കുകയും ചെയ്യുന്നു. എക്‌സ്‌പെരിമെന്റ് എന്ന വാക്കാണ് ഏറ്റവും കൂടുതല്‍ ഉപയോഗിക്കാന്‍ താല്‍പര്യമുള്ളത്. എന്നെ ആശ്ചര്യപ്പെടുത്തുന്ന ഒരു ചിന്ത സിനിമയാക്കി ജനങ്ങളിലേക്ക് എത്തിക്കുമ്പോള്‍ അവര്‍ക്കും ആ എക്‌സൈറ്റ്‌മെന്റ് കിട്ടുന്നുണ്ടോ എന്നതാണ് ആ എക്‌സര്‍സൈസിന്റെ തമാശ എന്നുള്ളത്. ഇത് ചിലപ്പോള്‍ വര്‍ക്കാവും. ചിലപ്പോള്‍ വര്‍ക്കാവില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha