ഷൈന് ടോം ചാക്കോ ചിത്രം സൂത്രവാക്യം ചിത്രത്തിന്റെ ഫസ്റ്റ് ലുക്ക് പുറത്ത്
നടി വിന്സി അലോഷ്യസിന്റെ വെളിപ്പെടുത്തലിന് പിന്നാലെ ശ്രദ്ധ നേടിയ സൂത്രവാക്യം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു. നടന് ഷൈന് ടോം ചാക്കോയാണ് തന്റെ ഇന്സ്റ്റഗ്രാം അക്കൗണ്ടിലൂടെ പോസ്റ്റര് പങ്കുവച്ചത്. ചിത്രത്തിന്റെ പോസ്റ്റര് സ്റ്റോറിയായി പങ്കുവച്ച ഷൈന് നായിക വിന്സിയെ അടക്കം മെന്ഷന് ചെയ്തിട്ടുണ്ട്. സൂത്രവാക്യം സിനിമയുടെ സെറ്റില് വച്ച് മയക്കുമരുന്ന് ഉപയോഗിച്ച് നടന് മോശമായി പെരുമാറിയെന്ന് വിന്സി വെളിപ്പെടുത്തിയിരുന്നു. പിന്നാലെ ഫിലിം ചേംബറിന് നടി പരാതി നല്കിയിരുന്നു. പരാതി പരിഗണിക്കാന് തിങ്കളാഴ്ച ചേംബര് മോണിറ്ററിംഗ് കമ്മിറ്റിയുടെ അടിയന്തര യോഗം ചേരും.
യൂജിന് ജോസ് ചിറമേല് സംവിധാനം ചെയ്യുന്ന ചിത്രമാണ്'സൂത്രവാക്യം'. ഫാമിലി കോമഡി ജോണറില് ഒരുങ്ങുന്ന ചിത്രം നിര്മ്മിക്കുന്നത് തെലുങ്കിലെ പ്രമുഖ നിര്മ്മാണ കമ്പനികളില് ഒന്നായ സിനിമാബണ്ടി പ്രൊഡക്ഷന്സിന്റെ ബാനറില് ശ്രീകാന്ത് കണ്ട്റഗുല ആണ്. ദീപക് പറമ്പോലും ചിത്രത്തില് മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്.ചിത്രത്തിന്റെ കഥ റെജിന് എസ് .ബാബുവിന്റെതാണ്. തിരക്കഥ ഒരുക്കിയിരിക്കുന്നത് സംവിധായകനായ യൂജിന് തന്നെയാണ്.ശ്രീറാം ചന്ദ്രശേഖരന് ക്യാമറ കൈകാര്യം ചെയ്യുന്ന ചിത്രത്തിന്റെ എഡിറ്റിംഗ് നിര്വഹിക്കുന്നത് നിതീഷ് ആണ്. മനു മഞ്ജിത്തിന്റെ വരികള്ക്ക് ജീന് പി ജോണ്സണ് ആണ് ഈണം നല്കുന്നത്. ശ്രീകാന്ത് കണ്ട്റഗുല, ബിനോജ് വില്യ, മീനാക്ഷി മാധവി, നസീഫ്, അനഘ, ദിവ്യ എം നായര് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
https://www.facebook.com/Malayalivartha
