അടുത്തജന്മത്തിലെ ആഗ്രഹത്തെക്കുറിച്ച് മോഹന്‍ലാല്‍
മനോരമ ന്യൂസ് നടത്തിയ അഭിപ്രായവോട്ടെടുപ്പില്‍ ഒന്നാമതെത്തിയാണ് മോഹന്‍ലാല്‍ 2016ലെ വാര്‍ത്താതാരമായത്. മുപ്പത്തിയെട്ട് വര്‍ഷത്തെ അഭിനയജീവിതത്തിന്റെ ഫലമാണ് വാര്‍ത്താതാരമെന്ന ഈ നേട്ടമെന്നാണ് മോഹന്‍ലാല്‍ പ്രതികരിച്ചത്.
സാഹിത്യകാരന്‍ എം.മുകുന്ദനാണ് ന്യൂസ്‌മേക്കര്‍ പ്രഖ്യാപനം നടത്തിയത്. വളരുന്ന സാങ്കേതികവിദ്യയ്‌ക്കൊപ്പം അഭിനയം മാറ്റിയെടുക്കാന്‍ മോഹന്‍ലാലിന് കഴിയുന്നെന്നും അദ്ദേഹം പറഞ്ഞു. മനോരമന്യൂസ് ന്യൂസ്‌മേക്കര്‍ പ്രഖ്യാപനത്തിന് ശേഷം താരത്തിനോട് കുസൃതി ചോദ്യവുമായ് മുഹമ്മദ് ഹനീഫ് ഐ.എ.എസ് എത്തി. അടുത്ത ജന്മത്തില്‍ മോഹന്‍ലാലിന് ആരാകണം...?
ചോദ്യം കേട്ട് ചിരിച്ച ലാല്‍ കുസൃതികലര്‍ന്ന മറുപടി തന്നെ നല്‍കി. ഇനിയൊരു ജന്മമുണ്ടെങ്കില്‍ എനിക്ക് മോഹന്‍ലാല്‍ ആയി തന്നെ ജനിച്ചാല്‍ മതി എന്നായിരുന്നു താരത്തിന്റെ മറുപടി. ഏറ്റവും ജനസ്വാധീനമുള്ള നടനാണ് മോഹന്‍ലാല്‍ എന്ന് മുകുന്ദന്‍ പറഞ്ഞു. വാര്‍ത്താതാരമെന്ന പുരസ്‌കാരം നല്ല വാര്‍ത്തകള്‍ സൃഷ്ടിക്കാന്‍ മോഹന്‍ലാലിനുള്ള ഉത്തരവാദിത്തം വര്‍ധിപ്പിക്കുന്നതായും മുകുന്ദന്‍ അഭിപ്രായപ്പെട്ടു.
https://www.facebook.com/Malayalivartha
