വിവാഹ അഭിപ്രായക്കാരെ മുഴുവന് കുടുക്കാന് കാവ്യയും ദിലീപും; കാവ്യ മാധവന് ഐജിക്ക് പരാതി നല്കി
അഭിപ്രായക്കാരെയും ട്രോളുകാരെയും അകത്താക്കാന് ദിലീപും കാവ്യയും ഇറങ്ങിത്തിരിക്കുന്നു. തനിക്കെതിരെ ഓണ്ലൈന് അധിക്ഷേപം നടത്തിയവര്ക്കെതിരെ നടി കാവ്യ മാധ്യവന് പൊലീസില് പരാതി നല്കി. എറണാകുളം റേഞ്ച് ഐജിക്ക് പരാതി നല്കിയതിനെ തുടര്ന്ന് കൊച്ചി സിറ്റി പൊലീസിലെ വനിത സിഐ കാവ്യയുടെ വീട്ടിലെത്തി പരാതിയിലെ കാര്യങ്ങള് ചോദിച്ചറിഞ്ഞു.
ദിലീപ്കാവ്യ വിവാഹത്തിനുശേഷം ഫെയ്സ്ബുക്ക് അടക്കമുളള സാമൂഹിക മാധ്യമങ്ങളില് നിറഞ്ഞ അപകീര്ത്തീകരവും അശ്ലീലചുവയുളളതുമായ പോസ്റ്റുകള്ക്കും ട്രോളുകള്ക്കും എതിരെയാണ് പരാതി. കാവ്യയുടെ ഓണ്ലൈന് പോര്ട്ടലായ ലക്ഷ്യയെവരെ ട്രോളുകള് വെറുതെവിട്ടില്ല. ലക്ഷ്യയുടെ ഫെയ്സ്ബുക്ക് പേജില് അശ്ലീലചുവയുള്ള കമന്റുകള് ഇട്ടവര് നിരവധിയാണ്. എന്നാല് ഇതില് ചില വ്യക്തികള്ക്കെതിരേയാണ് നിലവില് പരാതി നല്കിയിരിക്കുന്നത്.
വിവാഹവുമായി പോലും ബന്ധം ഇല്ലാത്ത ഇല്ലാത്ത പോസ്റ്റുകള്ക്ക് താഴെ അസഭ്യപരാമര്ശങ്ങളുടെ ബഹളമായിരുന്നു.ദിലീപിന്റെ ആദ്യഭാര്യ മഞ്ജു വാര്യരെയും കാവ്യയേയും താരതമ്യം ചെയ്യുന്ന പോസ്റ്റുകളടക്കം മാനഹാനി ഉണ്ടാക്കിയതായും കാവ്യ എറണാകുളം റേഞ്ച് ഐജിക്ക് നല്കിയ പരാതിയില് പറയുന്നു. വ്യാജവിവാഹ വാര്ത്ത പ്രചരിപ്പിച്ചവര്ക്കെതിരെയും വ്യാജ ഫെയ്സ്ബുക്ക് പേജ് തുടങ്ങിയവര്ക്കെതിരെയും നേരത്തെ കാവ്യ പൊലീസില് പരാതി നല്കിയിരുന്നു. പോലീസ് സംഭവം ഗൗരവത്തോടെയാണ് കാണുന്നത്. സ്ത്രീത്വത്തിനെതിരെ നടന്ന കടന്നാക്രമണമായി സംഭവം കാണണമെന്നും പരാതിയിലുണ്ട്.
https://www.facebook.com/Malayalivartha
