സിനിമയില് തന്റെ അവസരങ്ങള് നഷ്ടപ്പെട്ടതിനെ കുറിച്ച് റഹ്മാന് മനസ്സുതുറക്കുന്നു
മെട്രോമാറ്റിനിക്ക് നല്കിയ അഭിമുഖത്തിലാണ് താരം തുറന്നു പറഞ്ഞത്. എനിക്ക് അവസരങ്ങള് കുറയാന് ഞാന് തന്നെയാണ് കാരണം. മലയാളത്തില് കൈ നിറയെ ചിത്രങ്ങളുണ്ടായിട്ടും തമിഴിലേക്ക് പോയി. കുറേ പടങ്ങള് അവിടെ ഹിറ്റായി. അതെനിക്ക് സുഖിച്ചു. അന്നങ്ങനെ പാര വയ്ക്കാന് ഇത്രയും ടെക്നോളജിയും കാര്യങ്ങളും ഒന്നുമില്ല.
ഇന്ന് പാര പണിയാന് ഫേസ്ബുക്കില് ആരെങ്കിലും കൊണ്ട് സംസാരിപ്പിച്ചാല് മാത്രം മതി. തമിഴില് ആറ് മാസം മുന്പ് പണം തന്ന് ഡേറ്റ് ബ്ലോക്ക് ചെയ്യുമായിരുന്നു. മലയാളത്തില് ഷൂട്ടിങ് തുടങ്ങുന്നതിന് ഒരാഴ്ച മുന്മ്പാണ് ഡേറ്റുണ്ടോ ഉണ്ടോയെന്ന് ചോദിച്ചു വിളിക്കുന്നത്. അങ്ങനെ കുറേ സിനിമകളില് ഡേറ്റ് കൊടുക്കാന് കഴിയാതെ പോയി.
മലയാള സിനിമകളുടെ എണ്ണം കുറഞ്ഞുപോയി. അന്നത്തെ സംവിധായകരെല്ലാം പോയി, അവരുടെ സഹസംവിധായകര് രംഗത്ത് വന്നു. പക്ഷെ, അവര്ക്ക് എന്നെക്കാള് പുതിയ തലമുറയിലെ ആളുകളുമായിട്ടായിരുന്നു ബന്ധം. അന്ന് മമ്മൂട്ടിയും മോഹന്ലാലുമാത്രമേയുള്ളൂ. അവരുടെ കൂടെയാണ് അന്ന് ഞാന് കൂടുതല് പടങ്ങള് അഭിനയിച്ചതും.
അന്നൊന്നും മാനേജര് എന്ന സംഭവം ഉണ്ടായിരുന്നില്ല. കൊച്ചി, കോഴിക്കോട്, എറണാകുളം എന്നിങ്ങനെ ഓടി നടന്ന് അഭിനയിക്കുകയായിരുന്നു. വര്ഷം 18 സിനിമകള് ചെയ്തു. ആരുമായും സംസാരിക്കാനൊന്നും ശ്രമിച്ചില്ല. അവാര്ഡ് ചടങ്ങുകളില് എന്റെ ഇടപെടലുകള് കുറഞ്ഞു. അങ്ങനെ എന്റെ പബ്ലിക് റിലേഷന് കുറഞ്ഞതാണ് സിനിമകള് ഒഴിവാകാന് കാരണം.
https://www.facebook.com/Malayalivartha
