പുലിമുരുകനില് നായിക ആകേണ്ടിയിരുന്നത് അനുശ്രീ? മോഹന്ലാല് ചിത്രത്തില് നിന്ന് പിന്മാറേണ്ടി വന്നതിന്റെ കാരണം ഇതാണ്!
പുലിമുരുകനില് മോഹന്ലാലിന്റെ നായിക ആകേണ്ടിയിരുന്നത് അനുശ്രീ. കമാലിനി മുഖര്ജി അവതരിപ്പിച്ച മൈന എന്ന കഥാപാത്രം സ്വീകരിക്കാതിരുന്ന കഥ പ്രമുഖ മാസികയ്ക്ക് നല്കിയ അഭിമുഖത്തില് അനുശ്രീ തന്നെയാണ് വെളിപ്പെടുത്തിയത്. അനുശ്രീയുടെ വാക്കുകള്- 'ലാലേട്ടനൊപ്പം 'റെഡ്വൈനി'ല് അഭിനയിച്ചിരുന്നു. പിന്നീട് 'കനലി'ലേക്കും മറ്റൊരു സിനിമയിലേക്കും ലാലേട്ടനൊപ്പം ചാന്സ് വന്നിട്ട് ചെയ്യാന് പറ്റിയില്ല. പിന്നെയാണ് 'ഒപ്പം' വരുന്നത്. മേക്കപ്പിട്ട് ചെല്ലുമ്പോള് ലാലേട്ടന് ചോദിച്ചു, 'ഒടുവില് നീ വന്നു അല്ലേ' എന്ന്. 'അതെന്താ സംഗതി' എന്നു പ്രിയദര്ശന് സാര് ചോദിച്ചപ്പോള് ലാലേട്ടന്റെ മറുപടി ഇങ്ങനെ, 'എപ്പോള് വിളിച്ചാലും ഇവള്ക്ക് തോളുവേദനയാണെന്നു പറയും. ഇപ്പോഴാ സമയം ഒത്തുവന്നത്.'
'തോളു കൊണ്ടാണോ നീ അഭിനയിക്കുന്നത്' എന്നുചോദിച്ച് അവരെന്നെ കളിയാക്കി. അതോടെ സീന് കൂളായി. ഒരു ഞരമ്പിന്റെ പ്രശ്നം കാരണം ഇടതുകൈ അനക്കാനും ഭാരമെടുക്കാനുമൊക്കെ ബുദ്ധിമുട്ടായിരുന്നു. 'ഇതിഹാസ'യില് ഫൈറ്റ് ചെയ്യുമ്പോള് സീരിയസായി. അതിന്റെ പ്രൊമോഷന് വേണ്ടി വിളിക്കുമ്പോള് തിരുവനന്തപുരം മെഡിക്കല് കോള ജിലെ ന്യൂറോ സര്ജറി വാര്ഡില് ഞാന് സര്ജറി കഴിഞ്ഞ് കി ടക്കുകയായിരുന്നു. 'ചന്ദ്രേട്ടനി'ലേക്ക് വിളിക്കുമ്പോള് കൈയുടെ ബുദ്ധിമുട്ട് പറഞ്ഞ് ഒഴിഞ്ഞതാണ്.
പക്ഷേ, സിദ്ധാര്ഥേട്ടന് പറഞ്ഞത് 'ഇനിയും നാലു മാസമുണ്ട് ഷൂട്ടിങ്ങിന്, ഫിസിയോതെറപ്പി കഴിഞ്ഞ് മിടുക്കിയായി വരൂ' എന്നാണ്. ഫിസിയോതെറപ്പി ചെയ്ത് കുറച്ച് ഓക്കെയായി. വര്ക്കിനു ജോയിന് ചെയ്തിട്ടും ഷൂട്ടിങ്ങില്ലാത്ത ദിവസങ്ങളില് തിരുവനന്തപുരത്ത് പോയി ഫിസിയോതെറപ്പി ചെയ്ത് മടങ്ങിവരുമായിരുന്നു. ലാലേട്ടനൊപ്പമുള്ള മറ്റൊരു റോള് സ്വീകരിക്കാനാകാതിരുന്നതാണ് വലിയ നഷ്ടം. 'പുലിമുരുക'നില് കമാലിനി മുഖര്ജി അവതരിപ്പിച്ച കഥാപാത്രം എനിക്കു വന്നതാണ്. കഥ കേള്ക്കുമ്പോഴാണ് ആക്ഷന് സിനിമയാണെന്നറിയുന്നത്. ഓപ്പറേഷന് കഴിഞ്ഞിരിക്കുന്നതു കൊണ്ട് ഡോക്ടര് സമ്മതിച്ചില്ല. പിന്നീട് സിനിമ കണ്ടപ്പോള് വലിയ വിഷമമായി.' അഭിമുഖത്തില് അനുശ്രീ പറഞ്ഞു.
https://www.facebook.com/Malayalivartha
