കമല സുരയ്യ എന്ന മലയാളത്തിന്റെ എഴുത്തുകാരി മാധവിക്കുട്ടിയുടെ ജീവിതം വെള്ളിത്തിരയിൽ അവതരിപ്പിക്കുന്ന ആമിഎന്ന ചലച്ചിത്രത്തിലെ അനൂപ് മേനോന്റെ വേഷം സോഷ്യല്‍ മീഡിയയില്‍ വലിയ ചര്‍ച്ചയായിക്കഴിഞ്ഞിരിക്കുകയാണ്. ചിത്രത്തില്‍ സഹീര്‍ അലി എന്ന കഥാപാത്രമായാണ് അനൂപ് മേനോന്‍ പ്രേക്ഷകര്‍ക്ക് മുമ്പിലെത്തുന്നത്.

സഹീര്‍ അലിയുടെ വേഷത്തിലുള്ള തന്റെ ഫോട്ടോ അനൂപ് ഫെയ്സ്ബുക്കില്‍ പോസ്റ്റ് ചെയ്തത് മുതല്‍ അതിനെക്കുറിച്ച് വലിയ ചര്‍ച്ചകള്‍ നടക്കുകയാണ്. മനോഹരമായൊരു ബയോപിക് എന്നല്ലാതെ തന്റെ കഥാപാത്രത്തെക്കുറിച്ച് മറ്റൊന്നും അനൂപ് മേനോന്‍ പറഞ്ഞിട്ടില്ല എന്നതാണ് ആമിയ്ക്കായി കാത്തിരിക്കുന്ന പ്രേക്ഷകരില്‍ സംശയമുണര്‍ത്തുന്നത്.കമല്‍ സംവിധാനം ചെയ്യുന്ന ചിത്രത്തില്‍ മഞ്ജു വാര്യരാണ് ആമിയാകുന്നത്.