വർഷങ്ങൾക്ക് മുമ്പ് മലയാള സിനിമയില്‍ നടന്ന ഞെട്ടിയ്ക്കുന്ന പീഡന കഥ വെളിപ്പെടുത്തി ആലപ്പി അഷ്‌റഫ് രംഗത്ത്. റിപ്പോര്‍ട്ടര്‍ ചാനലിലെ മീറ്റ് ദ എഡിറ്റേഴ്‌സ് എന്ന പരിപാടിയില്‍ നൽകിയ അഭിമുഖത്തിനിടെ പ്രേം നസീറിന്റെ സിനിമയില്‍ നായികയായി അഭിനയിച്ചിട്ടുള്ള നടിയെ അമേരിക്കയില്‍ കൊണ്ടു പോയി ഫ്ലാറ്റിലിട്ട് ദിവസങ്ങളോളം പീഡിപ്പിച്ചു എന്നാണ് അഷറഫിന്റെ വെളിപ്പെടുത്തല്‍..

ഷൂട്ടിങ് എന്ന പേരിലാണ് നടിയെ അമേരിക്കയിൽ എത്തിച്ചത്. 1982ലായിരുന്നു സംഭവം. ന്യൂയോർക്കിലെ ഒരു റെഡ് സ്ട്രീറ്റിലേയ്ക്കാണ് അവരെ എത്തിച്ചത്. അവിടെയൊരു ഫ്ളാറ്റിൽ ദിവസങ്ങളോളം അവരെ തടവിലാക്കി പീഡിപ്പിച്ചു. അവിടെ കിടന്ന് അവശയായ അവർ ഒടുവിൽ എങ്ങനെയോ അവിടെയുള്ള ആർട്സ് വിജയനെ വിളിച്ചു.

ടെലിഫോൺ എഞ്ചിനീയറായ അദ്ദേഹം സ്ഥലം കണ്ടുപിടിച്ച് അവരെ എയർപോർട്ടിൽ എത്തിക്കുകയായിരുന്നു. അതാണ് മലയാള സിനിമ. നടി അക്രമിക്കപ്പെട്ട വിഷയത്തിൽ ഇപ്പോൾ അറസ്റ്റിൽ ആയ നടൻ കുറ്റവാളി ആണെന്ന് തനിക്ക് 100 ശതമാനം ഉറപ്പാണ് എന്നാണ് റിപ്പോർട്ടർ ചാനലിലെ മീറ്റ് ദി എഡിറ്റേഴ്സ് പരിപാടിയിൽ ആലപ്പി അഷ്റഫ് പറഞ്ഞത്. ഇതിൽ പല കാര്യങ്ങളും തനിക്ക് നേരിട്ട് അറിയാം. കോടതി മറിച്ചു വിധിച്ചാൽ താൻ പരസ്യ വേദിയിൽ നടനോട് മാപ്പു ചോദിക്കാൻ തയ്യാറാണ് എന്നും ഇദ്ദേഹം പറയുന്നു.

ദിലീപിനെതിരെ ചാനലില്‍ സംസാരിക്കവെയാണ് നിർമ്മാതാവും സംവിധായകനുമായ ആലപ്പി അഷറഫ് വര്‍ഷങ്ങള്‍ക്ക് മുമ്പ് മലയാള സിനിമയില്‍ നടന്ന ഞെട്ടിയ്ക്കുന്ന ആ പീഡന കഥ വെളിപ്പെടുത്തിയത്.