എല്ലാ ഡ്രൈവര്‍മാരും നീചന്‍മാരോ കുറ്റവാളികളോ അല്ല നിത്യ പറയുന്നു. വിവാഹത്തോടെ സിനിമയില്‍ നിന്നും സീരിയലിലേക്ക് കളം മാറ്റി ചവിട്ടിയതാണ് നിത്യാ ദാസ്. തമിഴിലും മലയാളത്തിലുമായി നിരവധി സീരിയലുകളും ഉണ്ട്. എന്നാല്‍ വിവാഹത്തിനു മുമ്പും വിവാഹ ശേഷവും ഷൂട്ടിങിന് പോകുമ്പോള്‍ നിത്യയ്‌ക്കൊപ്പം ബന്ധുക്കള്‍ ആരെങ്കിലും കാണും.

സീരിയലുകളില്‍ സജീവമായതോടെയാണ് നിത്യയോട് അല്‍പ്പം ബോള്‍ഡാവാനും ഒറ്റയ്‌ക്കൊക്കെ ഷൂട്ടിങിന് പോവാനും പറഞ്ഞത്. ഭര്‍ത്താവ് വിക്കി സപ്പോര്‍ട്ട് ചെയ്തതോടെ തനിച്ച് പോവാനും നിത്യ തീരുമാനിച്ചു. അങ്ങനെ തമിഴ് സീരിയലിന്റെ ഷൂട്ടിങിനായി കശ്മീരില്‍ നിന്ന് ചെന്നൈക്ക് തനിച്ച് പോവാനും നിത്യ തീരുമാനിച്ചു.

തമിഴ് സീരിയലിന്റെ ഷൂട്ടിംഗിനായി ചെന്നൈയിലേക്ക് തിരിച്ചു. നിത്യയുടെ കഷ്ടകാലത്തിന് ഒരു ഫ്‌ളൈറ്റ് മിസ്സായി. ഡല്‍ഹിയിലെത്തിയപ്പോ വൈകി. അവിടുന്ന് കുറച്ച് ദൂരം ചെന്ന് അടുത്ത എയര്‍പോര്‍ട്ടീന്ന് വേണം ചെന്നൈക്ക് ഫ്‌ളൈറ്റ് കിട്ടാന്‍. ഇതോടെ നിത്യയ്ക്ക് ടെന്‍ഷന്‍ ആയി. എന്തു ചെയ്യണമെന്നറിയില്ല. വിക്കി ഫോണില്‍ വിളിച്ച് പേടിക്കേണ്ടെന്നൊക്കെ ഉപദേശിച്ചു.

എന്നിട്ടും നിത്യ കരച്ചില്‍ തന്നെ കരച്ചില്‍. ഒരു തരത്തില്‍ ടാക്‌സി പിടിച്ച് അങ്ങോട്ടേക്ക് പോവാന്‍ തീരുമാനിച്ചു.ആ ഡ്രൈവര്‍ ചോദിച്ചു എന്തിനാ കരയുന്നതെന്ന്. കാര്യം പറഞ്ഞപ്പോ പുള്ളി വല്ലാത സപ്പോര്‍ട്ട് ചെയ്തു,ധൈര്യമായിട്ടിരിക്ക്,ടെന്‍ഷനൊന്നും വേണ്ടാന്ന് പറഞ്ഞു. അന്നേരം എനിക്ക് മനസ്സിലായി നമ്മള് ജീവിതത്തില്‍ നല്ലതെന്തേലും ചെയ്തിട്ടുണ്ടെങ്കില്‍ ഈശ്വരന്‍ ഏതേലും രൂപത്തില്‍ സഹായിക്കാനുണ്ടാവുമെന്ന്. ഇതോടെയാണത്രേ നിത്യ ദാസ് എല്ലായിടത്തും തനിച്ച് പോവാന്‍ പഠിച്ചത്.