അങ്കമാലി ഡയറീസിന് ശേഷം ലിജോ ജോസ് പല്ലിശ്ശേരി സംവിധാനം ചെയ്യുന്ന സിനിമയാണ് ഈ മ യൗ.ഈശോ മറിയം യൗസേപ്പ് എന്നതിന്റെ ചുരുക്കമാണ് ഈ മ യൗ. പേരിലെ കൗതുകമായി എത്തുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ ഇറങ്ങി. കൊച്ചിയിലെ ഒരു തീരദേശ ഗ്രാമവും വലിയൊരു ശവപ്പെട്ടിയുമാണ് ഫസ്റ്റ് ലുക്ക് പോസ്റ്ററിലുള്ളത്. വിനായകന്‍, ചെമ്പന്‍ വിനോദ് ജോസ്, ദിലീഷ് പോത്തന്‍ എന്നിവരാണ് കേന്ദ്രകഥാപാത്രങ്ങള്‍.
കൊച്ചിയിലെ ഒരു കടലോര ഗ്രാമം പശ്ചാത്തലമാക്കിയാണ് ഈ മ യൗ എത്തുന്നത്. രാജേഷ് ജോര്‍ജ്ജ് കുളങ്ങരയാണ് ചിത്രത്തിന്റെ നിര്‍മ്മാണം. എഴുത്തുകാരനായ പി എഫ് മാത്യൂസാണ് തിരക്കഥ. നായകന്‍,സിറ്റി ഓഫ് ഗോഡ്, ആമേന്‍, ഡബിള്‍ ബാരല്‍, അങ്കമാലി ഡയറീസ് സിനിമകളാണ് ലിജോ ഇതുവരെ ഒരുക്കിയ ചിത്രങ്ങള്‍ .