ക്രിസ്പിനായും മില്‍ട്ടണായും സുമേഷായും മലയാളികളെ രസിപ്പിച്ച സൗബിന്‍ സഹീര്‍ തികഞ്ഞൊരു ബൈക്ക് പ്രേമിയാണ്. ബൈക്കിലെ ദൂരയാത്രകളെ സ്‌നേഹിക്കുന്ന സൗബിന് ഹാര്‍ലി ഡേവിഡ്‌സണിന്റെ സ്ട്രീറ്റ് 750 സ്വന്തമായുണ്ട്. ഇപ്പോഴിതാ, ഇറ്റാലിയന്‍ ഇരുചക്രവാഹന നിര്‍മാതാക്കളായ മോട്ടോ ഗുസിയുടെ കലിഫോര്‍ണിയയില്‍ ഒരു കൈ പരീക്ഷിക്കുകയാണ് സൗബിന്‍ എന്നാണ് വാര്‍ത്തകള്‍. 
പിയാജിയോയുടെ ഉടമസ്ഥതയിലുള്ള മോട്ടോ ഗുസിയുടെ സൂപ്പര്‍ ക്രൂയിസര്‍ ബൈക്കാണ് കലിഫോര്‍ണിയ. 1971 മുതല്‍ രാജ്യാന്തര വിപണിയിലുള്ള ബൈക്ക് ഇന്ത്യയിലെത്തുന്നത് ഈ വര്‍ഷമാണ്. കൊച്ചിയിലെ മോട്ടോഗുസി ഷോറൂമില്‍ നിന്നാണ് സൗബിന്‍ കാലിഫോര്‍ണിയ ടെസ്റ്റ്‌െ്രെഡവ് ചെയ്തത്. 1380 സി സി 90 ഡിഗ്രി വി ട്വിന്‍ എന്‍ജിനാണ് കലിഫോര്‍ണിയക്ക് കരുത്ത് പകരുന്നത്. 6500 ആര്‍ പി എമ്മില്‍ 96 ബി എച്ച് പി കരുത്തും 3000 ആര്‍ പി എമ്മില്‍ 120 എന്‍ എം ടോര്‍ക്കും നല്‍കും. ആറു സ്പീഡാണ് ഗിയര്‍ ബോക്‌സ്. ഏകദേശം 22 ലക്ഷം രൂപയാണ് ബൈക്കിന്റെ എക്‌സ്‌ഷോറൂം വില.