മലയാളികള്‍ക്ക് താരാരാധന ലേശം പോലും ഇല്ലെന്ന് ദിലീപ് അറസ്റ്റിലായ ശേഷം സിനിമാക്കാര്‍ക്ക് മനസിലായി. പല താരങ്ങളുടെയും സ്വകാര്യ സംഭാഷണങ്ങളിലാണ് ഇക്കാര്യം ചര്‍ച്ചയായത്. ദിലീപിനെ വാനോളം പുകഴ്ത്തി നടന്നവരാണ് നാട് നീളെ കൂവി വിളിച്ചത്. ഒരുത്തന്‍ വീഴുമ്പോള്‍ ഇങ്ങിനെ ചവിട്ടി മെതിച്ച് ആനന്ദിക്കാന്‍ ആരാധകര്‍ക്ക് പറ്റില്ല. ഉന്നതങ്ങളില്‍ നിന്നൊരാള്‍ വീണപ്പോള്‍ കാണിക്കുന്ന ആഹ്‌ളാദം അയാളോടുണ്ടായിരുന്ന അസൂയയുടെ തെളിവാണ്. 

തമിഴ്‌നാട്ടുകാര്‍ക്ക് എം.ജി ആറിനോടും രജനീകാന്തിനോടും ഇപ്പോള്‍ വിജയ്‌യോടും ഉള്ള ആരാധനയാണ് യഥാര്‍ത്ഥ താരാരാധന എന്നും പല ആര്‍ട്ടിസ്റ്റുകളും സമ്മതിക്കുന്നു.

എം.ജി.ആര്‍ മരിച്ചപ്പോള്‍ തമിഴ്‌നാട്ടില്‍ എത്രയോ പേര്‍ ആത്മഹത്യ ചെയ്തു. അദ്ദേഹം മുഖ്യമന്ത്രി ആയിരുന്ന സമയത്തേക്കാള്‍ പതിന്‍മടങ്ങ് ആരാധകര്‍ സിനിമയില്‍ അഭിനയിച്ച സമയത്തുണ്ടായിരുന്നെന്ന് അന്‍പത് കഴിഞ്ഞ ഒരു നായക നടന്‍ അടുത്തിടെ സെറ്റിലിരുന്ന് പറഞ്ഞപ്പോള്‍ ആരും എതിരഭിപ്രായം പറഞ്ഞില്ല. 

മലയാളികളെ നൊമ്പരപ്പെടുത്തിയത് രണ്ടേ രണ്ട് നടന്‍മാരുടെ വേര്‍പാടാണ്. ജയന്റെയും കലാഭവന്‍ മണിയുടെയും. അല്ലാതെ ഒരു താരത്തിന് വേണ്ടിയും ഒരു മലയാളിയും ആത്മഹൂതി നടത്തിയിട്ടില്ല. ഇനി നടത്തത്തുമില്ലെന്നും അദ്ദേഹം പറഞ്ഞു. 

ദിലീപിനെ അറസ്റ്റ് ചെയ്ത ശേഷം ഒരു ഷൂട്ടിംഗ് ലൊക്കേഷനില്‍ ഉണ്ടായ സംഭവം പറയാം... പ്രമുഖ താരം സ്റ്റണ്ട് രംഗങ്ങളില്‍ അഭിനയിച്ചു കൊണ്ടിരിക്കുകയാണ്. ഇടവേളയില്‍ താരം കാരവനിലേക്ക് കയറും മുമ്പ് കുറേ പയ്യന്‍മാര്‍ ഫോട്ടോ എടുക്കാന്‍ ചെന്നു. കോസ്റ്റിയൂമില്‍ നിന്ന് പടമെടുക്കാന്‍ ഡയറക്ടര്‍ സമ്മതിക്കില്ലെന്ന് താരം പറഞ്ഞു. അതോടെ പയ്യന്‍മാര്‍ പിന്‍മാറി. അതിലൊരു വിരുതന്‍ ഇങ്ങിനെ പറഞ്ഞു,; ഞങ്ങടെയൊക്കെ പൈസ കൊണ്ടാ നിങ്ങള് വല്യ സ്റ്റാറായത്. ഒരു ഫോട്ടോ എടുത്തോട്ടേന്ന് ചോദിച്ചപ്പോ എന്താ ജാഡ. ആ പയ്യന്റെ അടുത്തേക്ക് ചെന്ന് താരം ചോദിച്ചു; നീ എനിക്ക് എത്ര കാശ് തന്നിട്ടുണ്ട്, നീ നിന്റെ വിനോദത്തിന് വേണ്ടി സിനിമ കാണാന്‍ പോകുന്നു. അത് ഞാന്‍ പറഞ്ഞിട്ടല്ലല്ലോ' അതോടെ പയ്യന്റെ ഗ്യാസ് പോയി!