സലിം കുമാര്‍ രചനയും സംവിധാനവും നിര്‍വഹിച്ച ചിത്രമാണു കറുത്ത ജൂതന്‍? ചിത്രത്തില്‍ പ്രധാന കഥാപാത്രത്തെ അവതരിപ്പിച്ചിരിക്കുന്നതും സലിം കുമാറാണ്. ഓഗസ്റ്റ് 18 നു ചിത്രം തിയേറ്ററുകളില്‍ എത്തും. റിലീസിനു മുന്നോടിയായി കറുത്ത ജൂതനേക്കുറിച്ചും സലിം കൂമാറിനെ കുറിച്ചും ജയസൂര്യ തന്റെ ഫേസ്ബുക്കിലൂടെ പങ്കുവച്ച കുറിപ്പ് വൈറലാകുന്നു.
ജയസൂര്യയുടെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം
സലീമേട്ടനുമായുള്ള ബന്ധത്തെ കുറിച്ച് ഒരുപാട് പറയാനുണ്ട്.. ഈ ഫ്‌ളാഷ് ബാക്കുകള്‍ എന്നും ഒരു ലാഗ് ആയതു കൊണ്ട് അത്രയും പറയുന്നില്ല. എന്തായാലും ഞാന്‍ അടുത്ത് പരിചയപ്പെട്ട ,എനിയ്ക്ക് ആദ്യമായി മിമിക്രിക്ക് 35 രൂപ പ്രതിഫലം തന്ന എന്റെ ആദ്യ ഗുരു. ആ മിമിക്രിക്കാരനില്‍ നിന്ന് സലിമേട്ടന്‍ മികച്ച നടനുള്ള ദേശീയ അവാര്‍ഡ് വാങ്ങി. ഇന്നിതാ കറുത്ത ജൂതന്‍ എന്ന സിനിമയക്ക് കഥയും, തിരക്കഥയും, സംഭാഷണവും, രചിച്ച് അത് സംവിധാനവും ചെയ്തിരിയ്ക്കുന്നു. ഈ വര്‍ഷത്തെ നല്ല കഥയ്ക്കുള്ള സംസ്ഥാന അവാര്‍ഡും ഈ ചിത്രത്തിന് തന്നെ. അഭിമാനം തോന്നുന്നു സലീമേട്ടോ . ഈ മാസം 18 ന് റിലീസ് ചെയ്യാന്‍ പോകുന്ന കറുത്ത ജൂതന് വേണ്ടി ഞങ്ങള്‍ കാത്തിരിയ്ക്കുന്നു. ഇനിയും ഇതുപോലെയുള്ള മികച്ച ചിത്രങ്ങള്‍ സലീമേട്ടന് സംവിധാനം ചെയ്യാന്‍ കഴിയട്ടെ എന്ന്, അതില്‍ എല്ലാം നായകനായി അഭിനിയക്കാന്‍ പോകുന്ന സലീമേട്ടന്റെ സ്വന്തം ജയസൂര്യ.