പുതുതായി സിനിമയില്‍ എത്തുന്ന നടിമാരാണ് ലൈംഗിക ചൂഷണത്തിന് ഇരകളെന്ന് ശ്രുതി ഹരിഹരന്‍. അവസരത്തിനായി നടിമാരെ ലൈംഗികമായി ചൂഷണം ചെയ്യുന്നുവെന്നും ഈ രീതി ഇപ്പോഴും നിലനില്‍ക്കുന്നുണ്ടെന്നും ശ്രുതി തുറന്നു പറഞ്ഞു.

ഇതിനായി നിര്‍മാതാക്കളും സിനിമാ സംവിധായകരും നടിമാരെ പ്രലോഭിക്കാറുണ്ടെന്നും ശ്രുതി വ്യക്തമാക്കി. കാസ്റ്റിങ് കൗച്ച് എന്നത് കഥയല്ലെന്നും ഇപ്പോഴും നടക്കുന്നുണ്ടെന്നും ഇത് വലിയൊരു ക്രൈം ആണെന്നും താരം പറയുന്നു.

വളരെ കുറച്ച് പരാതികള്‍ മാത്രമാണ് സിനിമാരംഗത്തുനിന്നും പൊലീസിന് ലഭിക്കുന്നതെന്നും പലരും മിണ്ടാതിരിക്കുന്നതുകൊണ്ടാണ് ഇങ്ങനെ സംഭവിക്കുന്നതെന്നും ശ്രുതി പറയുന്നു. ഈ പ്രവണത ഇപ്പോഴും ശക്തിയായി തുടരുകയാണെന്നും ഇത് നാണക്കേടാണെന്നും ശ്രുതി തുറന്നടിച്ചു. 

ഒരു നടിയെ തിരഞ്ഞെടുക്കേണ്ടത് അഭിനയത്തിലോ നൃത്തത്തിലോ ഉളള അവളുടെ കഴിവ് പരിഗണിച്ചാണ് അല്ലാതെ മറ്റു രീതികള്‍ കൊണ്ടല്ലെന്നും തുറന്നു പറയാന്‍ ശ്രുതി മടികാട്ടിയില്ല.തമിഴ്, കന്നഡ, മലയാളം സിനിമകളിലൂടെ ശ്രദ്ധേയയാണ് ശ്രുതി. സിനിമാകമ്പനി എന്ന ചിത്രത്തിലൂടെ മലയാള സിനിമയില്‍ നായികയായെത്തിയ ശ്രുതി മലയാളം, തമിഴ്, കന്നട സിനിമകളില്‍ ശ്രദ്ധേയയാണ്.