നടന് ശ്രീനാഥിന്റെ മരണത്തില് പുനരന്വേഷണം ആവശ്യപ്പെട്ട് കുടുംബം മുഖ്യമന്ത്രിയെ കണ്ടു
നടന് ശ്രീനാഥിന്റെ മരണത്തില് പുനരന്വേഷണം ആവശ്യപ്പെട്ട് കുടുംബം മുഖ്യമന്ത്രി പിണറായി വിജയനെ കണ്ടു. ക്രൈംബ്രാഞ്ചോ മറ്റേതെങ്കിലും ഏജന്സിയോ ശ്രീനാഥിന്റെ മരണം അന്വേഷിക്കണമെന്ന് കുടുംബം ആവശ്യപ്പെട്ടു. മരണത്തില് ദുരൂഹതയുണ്ടെന്നും ശ്രീനാഥ് ജീവനൊടുക്കില്ലെന്നുമാണ് കുടുംബത്തിന്റെ നിലപാട്. പരാതിയില് വേണ്ട നടപടികള് സ്വീകരിക്കാമെന്ന് മുഖ്യമന്ത്രി ഉറപ്പ് നല്കി. ശ്രീനാഥിന്റെ ഭാര്യ നേരിട്ടെത്തിയാണ് പരാതി നല്കിയത്.
നിരവധി സംശയങ്ങള് ഉന്നയിച്ചു കൊണ്ടാണ് ഭാര്യ പരാതി നല്കിയിരിക്കുന്നത്. ഒട്ടേറെ ദുരൂഹതകള് നിറഞ്ഞു നിന്നതായിരുന്നു നടന് ശ്രീനാഥിന്റെ മരണം. കേസുമായി ബന്ധപ്പെട്ട ഫയലുകള് പോലും കോതമംഗലം പൊലീസ് സ്റ്റേഷനില് നിന്നും അപ്രത്യക്ഷമായിരുന്നു. ഏഴുവര്ഷംമുമ്ബാണ് ശ്രീനാഥ് ശിക്കാറിന്റെ ഷൂട്ടിങ് ലൊക്കേഷനില് എത്തിയ ശേഷം ഹോട്ടലില് താമസിക്കവെ മരിച്ച നിലയില് കാണപ്പെട്ടത്.
ആത്മഹത്യയാണെന്ന് വിധിയെഴുതി പൊലീസ് എഴുതി തള്ളുകയായിരുന്നു ഈ കേസ്. ഇതിന് പിന്നില് സിനിമാക്കാരുടെ ഇടപെടല് ഉണ്ടെന്ന ആരോപണവും ഉയര്ന്നു. മറുനാടന് മലയാളി അടക്കം ഈ വിഷയം സജീവ ചര്ച്ചയാക്കിയതോടെയാണ് കേസുമായി ബന്ധപ്പെട്ട മറ്റ് വിവരങ്ങള് പുറത്തുവന്നത്. ഫയല് കാണാതായ സംഭവമായിരുന്നു ഇതില് ഒന്ന്.
ഇതിന്റെ വിവരങ്ങള്തേടി ഒരുമാസംമുമ്ബ് വിവരാവകാശം നല്കിയവര്ക്ക് ഇപ്പോള് രേഖകള് കാണുന്നില്ലെന്നും കിട്ടുന്നമുറയ്ക്ക് നല്കാമെന്നുമുള്ള മറുപടിയാണ് ലഭിച്ചത്. ശ്രീനാഥിന്റെ മരണം കൊലപാതകമാണെന്ന് പലരും സംശയിക്കുന്നു. ഇതേക്കുറിച്ച് അന്വേഷണം ആവശ്യപ്പെട്ട് നേരത്തെ മുന് മുഖ്യമന്ത്രിക്കും ആഭ്യന്തരമന്ത്രിക്കും പരാതി നല്കുമെന്നും ശ്രീനാഥിന്റെ ഭാര്യ പരാതിയും നല്കിയിരുന്നു. എന്നാല് ഒന്നും നടന്നില്ല.
2010 മെയ് മാസത്തില് കോതമംഗലത്തെ മരിയ ഹോട്ടലിലെ 102ാം നമ്ബര് മുറിയില് ഞരമ്ബുമുറിച്ച് രക്തംവാര്ന്ന് മരിച്ചനിലയിലാണ് ശ്രീനാഥിനെ കണ്ടെത്തിയത്. പത്മകുമാര് സംവിധാനംചെയ്ത ശിക്കാര് എന്ന മോഹന്ലാല് ചിത്രത്തില് അഭിനയിക്കാന് വന്നതായിരുന്നു അദ്ദേഹം. വ്യക്തിപരമായ പ്രശ്നങ്ങള്മൂലം ജീവനൊടുക്കിയെന്നായിരുന്നു പൊലീസ് കണ്ടെത്തല്. ശ്രീനാഥ് ജീവനൊടുക്കാന് ഒരു സാധ്യതയുമില്ലെന്ന് വീട്ടുകാര് പറഞ്ഞിരുന്നെങ്കിലും നാലുമാസംകൊണ്ട് അന്വേഷണം അവസാനിച്ചു. മറ്റു ദുരൂഹതകള് ഒന്നുമില്ലെന്നായിരുന്നു പൊലീസിന്റെ നിഗമനം. പോസ്റ്റുമോര്ട്ടം റിപ്പോര്ട്ടും ഇതിനെ സാധൂകരിക്കുന്നതായിരുന്നുവെന്ന് പൊലീസ് പറയുന്നു. എന്നാല് നടി ആക്രമിക്കപ്പെട്ട സംഭവത്തില് ദിലീപിനെതിരെ ആരോപണം നീണ്ടതോടെ ശ്രീനാഥിന്റെ മരണവും ചര്ച്ചയാവുകയായിരുന്നു.
ശ്രീനാഥിന്റെ മരണം കൊലപാതകമാണെന്ന് നടന് തിലകന് പിന്നീട് ആരോപിച്ചു. ആത്മഹത്യ ചെയ്യാന് മാത്രം എന്തെങ്കിലും പ്രശ്നമുള്ളതായി മരണത്തിന് രണ്ടു ദിവസം മുമ്ബുള്ള ഫോണ് സംഭാഷണത്തില് പോലും ശ്രീനാഥ് ഒന്നും സൂചിപ്പിച്ചിരുന്നില്ലെന്നും ഭാര്യ ലത പറഞ്ഞിരുന്നു. മരിക്കുന്നതിന് രണ്ടുദിവസം മുമ്ബ് ശ്രീനാഥ് എന്നോട് വളരെ സന്തോഷത്തോടെയാണ് ഫോണില് സംസാരിച്ചത്. അങ്ങനെ ഒരാള് ഒരിക്കലും ആത്മഹത്യ ചെയ്യില്ല. കൊലപാതകമാണോ എന്ന് സംശയമുണ്ട്. അദ്ദേഹത്തിന്റെ ദുരൂഹമരണത്തില് ബന്ധപ്പെട്ടവര് മറുപടി പറയണം. ശ്രീനാഥിന്റെ മരണം 'ശിക്കാര്' സിനിമയുമായി ബന്ധമുള്ള ആരും വീട്ടിലേക്ക് വിളിച്ചു പറഞ്ഞില്ല. ആശ്വസിപ്പിക്കാന് വീട്ടില് ആരും വന്നില്ല ഇതായിരുന്നു അന്ന് ലതയുടെ പ്രതികരണം. സിനിമയിലെ പുതിയ സംഭവങ്ങളുടെ പശ്ചാത്തലത്തില് ഇതില് ശരിയുണ്ടെന്ന് സിനിമാക്കാരും ഇപ്പോള് സമ്മതിക്കുന്നു.
https://www.facebook.com/Malayalivartha
