പ്രിയാമണി മുസ്തഫ രാജിന്റെ സ്വന്തമാകാന്‍ ഇനി ഏതാനും ദിവസങ്ങളെയുള്ളൂ. 23ന് ബംഗളുരുവില്‍ വച്ചാണ് പ്രിയമണിയും ബിസിനസുകാരനായ മുസ്തഫയും തമ്മിലുള്ള വിവാഹം. മൂന്ന് മാസം മുന്‍പായിരുന്നു ഇരുവരുടെയും വിവാഹ നിശ്ചയം. വിവാഹം അടുത്തെത്തിയപ്പോള്‍ ആരാധകര്‍ ഏറെ സംശയത്തിലാണ്. ഒന്ന് താരത്തിന്റെ വിവാഹം മുസ്ലീം ആചാരപ്രകാരമാണോ അതോ ഹിന്ദു ആചാരപ്രകാരമാണോ. രണ്ടാമത്തെ സംശയം ഇനി അഭിനയിക്കുമോ എന്നതാണ്.

ആരാധകരെ നിരാശരാക്കാതെ താരം രണ്ടു സംശയത്തിനുമുള്ള മറുപടി നല്‍കിയിരിക്കുകയാണ്. ഞങ്ങള്‍ രണ്ട് മതത്തില്‍ പെട്ട ആള്‍ക്കാരാണ്. രണ്ട് മതത്തിന്റെ വിശ്വാസത്തെയും വ്രണപ്പെടുത്തണം എന്നാഗ്രഹമില്ല. എല്ലാം ഭംഗിയായി നടന്നാല്‍ രജിസ്റ്റര്‍ വിവാഹം നടത്താം എന്നത് നേരത്തെ ഞങ്ങള്‍ രണ്ട് പേരും തന്നെ ഒരുമിച്ചെടുത്ത തീരുമാനിച്ച കാര്യമാണ്.

അത് തന്നെയാണ് ഏറ്റവും ഉചിതവും എന്ന് താരം വ്യക്തമാക്കി. തൊട്ടടുത്ത ദിവസം ബന്ധുക്കള്‍ക്കും സുഹൃത്തുക്കള്‍ക്കും സഹപ്രവര്‍ത്തകര്‍ക്കും വിവാഹ സത്കാരം നല്‍കും. അത് അല്പം അടിപൊളിയായിരിക്കുമെന്നാണ് അറിയുന്നത്.വിവാഹവും സത്കാരവുമൊക്കെ കഴിഞ്ഞ് രണ്ട് ദിവസത്തിനകം തന്നെ അഭിനയം തുടരും എന്ന് പ്രിയാമണി വ്യക്തമാക്കുന്നു.

വിവാഹം കഴിഞ്ഞാല്‍ പൂര്‍ത്തിയാക്കാന്‍ രണ്ട് സിനിമകള്‍ ഉണ്ടെന്നും താരം വ്യക്തമാക്കി. ബംഗുളുരുവില്‍ ഇവന്റ് മാനേജ്‌മെന്റ് ബിസിനസ് നടത്തുകയാണ് മുസ്തഫ രാജ്. വര്‍ഷങ്ങള്‍ക്ക് മുമ്പ് ഒരു ഐപിഎല്‍ ചടങ്ങില്‍ വച്ചാണ് ഇരുവരും പരിചയപ്പെടുന്നതും പിന്നീട് പ്രണയത്തിലാകുന്നതും.