ഐശ്വര്യ റായ് മൊട്ടയടിച്ചോ..? സോഷ്യല്‍ മീഡിയയില്‍ പ്രചരിക്കുന്ന ചിത്രം കണ്ടാല്‍ ആര്‍ക്കും സംശയം തോന്നും. തിരുപ്പതിയില്‍ ദര്‍ശനത്തിനെത്തിയപ്പോള്‍ ഐശ്വര്യ റായ് അവിടെ വച്ച് മൊട്ടയടിച്ചു എന്നും എന്നാലും അവര്‍ സുന്ദരിയാണെന്നുമുള്ള രീതിയിലുള്ള ചിത്രമാണ് സോഷ്യല്‍ മീഡിയയില്‍ പ്രചരിക്കുന്നത്. എന്നാല്‍ ചിത്രത്തിന്റെ സത്യാവസ്ഥ ഇതാണ്.

ഒരു പ്രമുഖ ക്ഷേത്രത്തില്‍ ദര്‍ശനത്തിനെത്തിയപ്പോള്‍ പകര്‍ത്തിയ ഐശ്വര്യ റായിയുടെ ചിത്രമാണ് എഡിറ്റ് ചെയ്ത് മൊട്ടയടിച്ചതായി പ്രചരിപ്പിച്ചത്. യഥാര്‍ത്ഥ ചിത്രമാണെന്ന് കരുതി പലരും ഇത് ഷെയര്‍ ചെയ്യുന്നുണ്ട്. മൊട്ടയടിച്ച ചിത്രം ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കയാണ്.

ഇതിനുമുന്‍പും ഐശ്വര്യ റായിയുടെ വ്യാജ ചിത്രങ്ങള്‍ പ്രചരിച്ചിരുന്നു. ഐശ്വര്യയുടെ കുഞ്ഞിന്റെ ചിത്രം എന്നു പറഞ്ഞ് മറ്റൊരു കുട്ടിയുടെ ചിത്രവും ഇതേരീതിയില്‍ പ്രചരിപ്പിച്ചിരുന്നു.