ഞാന്‍ ഉള്‍പ്പെടെയുള്ള ചിത്രങ്ങളിലൂടെ ശ്രദ്ധേയയായ ജ്യോതികൃഷ്ണ മേക്കോവറിന് ഒരുങ്ങുന്നു. ഇതുവരെ ചെയ്തതെല്ലാം നാടന്‍ വേഷങ്ങളാണ്. അതിനാല്‍ മോഡേണാവാന്‍ ഒരുങ്ങുകയാണ് താരം. ഗ്രാമീണവേഷം ചെയ്തത് കൊണ്ട് എനിക്ക് മോഡേണാവാന്‍ കഴിയില്ലെന്ന് പല പ്രേക്ഷകരും പറയുന്നു. എന്നാല്‍ അത് പൊളിച്ചടുക്കും. മോഡേണ്‍ വേഷങ്ങള്‍ താമസിക്കാതെ ചെയ്യും. അതിനെ കുറിച്ചുള്ള വിവരങ്ങള്‍ പുതിയ ചിത്രങ്ങളുടെ അണിയറ പ്രവര്‍ത്തകര്‍ പറയുമെന്നും താരം പറഞ്ഞു.
ശാലിനതയും നീണ്ട മുടിയുമാണ് ഗ്രാമീണ വേഷങ്ങളിലേക്ക് പലരും വിളിക്കാന്‍ കാരണം. മോഡേണ്‍ വേഷങ്ങളണിഞ്ഞ് ഒരു ഫോട്ടോ ഷൂട്ട് നടത്തുകയാണ് . അത് കാണുന്നവര്‍ ഞെട്ടുമെന്നാണ് താരം പറയുന്നത്. ഇതിന്റെ ഭാഗമായി ജിമ്മില്‍ പോകാന്‍ തുടങ്ങി. ഭാരം കുറയ്ക്കാനുള്ള ഡയറ്റിംഗിലാണ്. ഒരു ട്രെയ്‌നറെയും കണ്ടെത്തി. മുടിയുടെ നീളം കുറച്ചു. ടൈപ്പ് കാസ്റ്റ് ചെയ്യാന്‍ ആഗ്രഹിക്കുന്നില്ല. വൈവിധ്യമാര്‍ന്ന വേഷങ്ങള്‍ ചെയ്യണം. അപ്പോഴേ നല്ല നടിയാകാന്‍ കഴിയൂ. ഏത് കഥാപാത്രവും ചെയ്യാനുള്ള ആത്മവിശ്വാസം എനിക്കുണ്ട്. 

തബ്ബു, ശോഭന, മഞ്ജുവാര്യര്‍ അങ്ങനെ ഒരുപാട് പേര്‍ എന്നെ ആകര്‍ഷിച്ചിട്ടുണ്ട്. അവരൊക്കെ പല തരത്തിലുള്ള വേഷങ്ങള്‍ അനായാസം ചെയ്തിട്ടുണ്ട്. ഹൈദര്‍ എന്ന പുതിയ ചിത്രത്തില്‍ അമ്മയായും ഭാര്യയായും തബ്ബു അസാധ്യമായാണ് അഭിനയിച്ചിരിക്കുന്നത്. അതുപോലെ മനക്കരത്തുള്ള ശക്തമായ വേഷങ്ങള്‍ ചെയ്താലേ പ്രേക്ഷകരുടെ മനസില്‍ ഒരു നടി ജീവിക്കൂ. 

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha