ഗ്രാനൈറ്റിന് പ്രസിദ്ധമായ കര്‍ണാടകയിലെ ബെല്ലാരിയില്‍ മോഹന്‍ലാല്‍. ഇത്തവണ ബിസിനസുകാരാനായാണ് താരം അവിടെ എത്തിയത്. ജോഷിയുടെ ഓ ലൈ ലാ ഓയിലെ ജയമോഹന്‍ എന്ന ബിസിനസുകാരന്‍. ബാംഗ്ലൂരില്‍ നിന്ന് റോഡ് മാര്‍ഗം ഇന്നലെ രാത്രിയാണ് താരം അവിടെ എത്തിയത്. ബെല്ലാരി ബ്രദേഴ്‌സ് എന്നറിയപ്പെടുന്ന ബി.ജെ.പി നേതാക്കളാണ് അവിടം നിയന്ത്രിക്കുന്നത്. മൂന്ന് ദിവസത്തെ ചിത്രീകരണമാണ് ഇവിടെയുളളത്. കാലിന്റെ വേദനയുടെ ചികില്‍സ നടക്കുന്നതിനാല്‍ സ്റ്റണ്ട് രംഗങ്ങളോ, റിസ്‌ക്കി സീനുകളോ ലാല്‍ അഭിനയിക്കുന്നില്ല. 
കര്‍ണാടകയില്‍ 30 ദിവസത്തെ ചിത്രീകരണമാണുള്ളത്. ക്രിസ്തുമസിന് ചിത്രം തിയറ്ററുകളിലെത്തും. ദൃശ്യം എന്ന വമ്പന്‍ ഹിറ്റിന് ശേഷം മിസ്റ്റര്‍ ഫ്രോഡ് നഷ്ടം വരുത്തിയില്ല. കൂതറയില്‍ ഗസ്റ്റ് അപ്പിയറന്‍സ് ആയിരുന്നെങ്കിലും ചിത്രം അമ്പേ പരാജയപ്പെട്ടു. പെരുച്ചാഴിയും നഷ്ടമില്ലാതെ പോയി. ഒരു ഫെസ്റ്റിവല്‍ ചിത്രത്തിന് വേണ്ട ചേരുവകകളെല്ലാം ഉണ്ടായിരുന്നെങ്കിലും സൂപ്പര്‍ഹിറ്റിലേക്ക് കുതിച്ചില്ല. ഷാജികൈലാസ്, ഡോണ്‍ മാക്‌സ്, സത്യന്‍ അന്തിക്കാട് തുടങ്ങി പതിനേഴോളം ചിത്രങ്ങളാണ് താരം കമ്മിറ്റ് ചെയ്തിട്ടുള്ളത്.
മോഹന്‍ലാലിന്റെ അമ്മ ചികില്‍സ കഴിഞ്ഞ് കൊച്ചിയിലെ വീട്ടില്‍ വിശ്രമത്തിലായതിനാല്‍ താരം ആഴ്ചയില്‍ ഒരിക്കല്‍ വിമാന മാര്‍ഗം കൊച്ചിയിലെത്തി കാര്യങ്ങള്‍ നോക്കി മടങ്ങും. ഭാര്യ സുചിത്ര ബിസിനസ് കാര്യങ്ങളുമായി ദുബയിലാണ്. അവരും ഇടയ്ക്ക് കൊച്ചിയിലെ വീട്ടില്‍ വരും. മകന്‍ പ്രണവും കൊച്ചിയിലാണ്. മകള്‍ ഓസ്‌ട്രേലിയയിലാണ് പഠിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha