മഞ്ജു വാര്യര്‍, ദിലീപിന്റെ ജീവിതത്തില്‍ നിന്ന് ഇറങ്ങിപ്പോയപ്പോള്‍ മലയാളികള്‍ മൂക്കത്തു വിരല്‍ വച്ചു. എന്നിട്ട് ഒരു നൂറു ചോദ്യങ്ങളും. മഞ്ജു പക്ഷെ അതിനൊന്നും മറുപടി പറഞ്ഞില്ല. ദിലീപും മകളും വിശദീകരണങ്ങള്‍ പറഞ്ഞു കൊണ്ടേയിരുന്നു. മഞ്ജു അതിനെയെല്ലാം എതിര്‍ത്തത് ഹൗ ഓള്‍ഡ് ആര്‍ യു എന്ന തന്റെ തിരിച്ചുവരവ് ചിത്രത്തിലെ ചില ഡയലോഗുകളിലൂടെയായിരുന്നു. ചിത്രം കണ്ടവര്‍ക്കു മനസിലായി ഇതു ദിലീപിനിട്ടുള്ള കുത്താണെന്ന്. എന്നാല്‍ മഞ്ജുവിന് മറുപടിയുമായി ദിലീപ് പുതിയ ചിത്രത്തിലെത്തുന്നു എന്ന വാര്‍ത്ത സിനിമാ മേഖലയില്‍ സജീവമാണ്.
ദിലീപിന്റെ പുതിയ ചിത്രത്തിന്റെ ടൈറ്റില്‍ ഏതാണ്ട് ഇതിനോട് സാമ്യമുള്ളതാണ്. ജീവിതം വീണ്ടും ആവര്‍ത്തിക്കപ്പെടുന്നു എന്ന ടാഗ്‌ലൈനോടെ ശ്രീബാല.കെ.മോനോന്‍ ഒരുക്കുന്ന ചിത്രത്തിലാണ് ദിലീപ് നായകനാകുന്നത്. ഈ ചിത്രമാണോ മഞ്ജുവിനുള്ള ദിലീപിന്റെ മറുപടി എന്നാണ് ചലച്ചിത്ര ലോകം ഇപ്പോള്‍ ചര്‍ച്ച ചെയ്യുന്നത്. ശ്രീബാല കെ. മേനോന്‍ ആദ്യമായി സംവിധാനം ചെയ്യുന്ന ചിത്രമാണിത്. ഇതില്‍ വളരെ ശ്രദ്ധേയമായ വേഷമാണ് ദിലീപിന്. നായക കഥാപാത്രത്തിനു മാത്രമല്ല, എല്ലാ കഥാപാത്രങ്ങള്‍ക്കും തുല്യ പ്രാധാന്യമുളള കഥയാണ് \'ജീവിതം വീണ്ടും ആവര്‍ത്തിക്കപ്പെടുന്നു\' എന്ന ടാഗ്‌ലൈനില്‍ ചുറ്റിപ്പറ്റി വികസിക്കുന്ന ചിത്രം പറയുന്നത്.
സുഹാസിനി, ശ്രീനിവാസന്‍, ശശികുമാര്‍ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. നായിക പുതുമുഖമായിരിക്കും. ഒരു ചെറുകഥയില്‍ നിന്ന് പ്രമേയം ഉള്‍ക്കൊണ്ടിട്ടുള്ള ചിത്രത്തിന്റെ തിരക്കഥയും സംവിധായക തന്നെയാണ് നിര്‍വഹിച്ചിരിക്കുന്നത്. എഴുത്തുകാരി കൂടിയായ ശ്രീബാലയുടെ ചിത്രത്തില്‍ കാമ്പുണ്ടാകുമെന്നാണ് വിലയിരുത്തുന്നത്. മഞ്ജു പോയപ്പോള്‍ ദിലീപിന്റെ രാശി കുറഞ്ഞെന്ന് പൊതുവെ ഒരു പറച്ചിലുണ്ട്. വേര്‍പിരിയലിനു ശേഷം ദിലീപിന്റെ സിനിമകള്‍ ഒന്നും വിജയിക്കാത്തത് ഇതിനെ ശരിവയ്ക്കുന്നു. മഞ്ജുവിനുള്ള മറുപടിയും ദിലീപിന്റെ തിരിച്ചുവരവും എല്ലാം ഈ ചിത്രത്തിലൂടെ നടക്കുമെന്നാണ് അദ്ദേഹത്തിന്റെ ആരാധകര്‍ വിശ്വസിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha