തന്റെ സിനിമകളില്‍ നായകന്‍ ആരാവണമെന്ന് തീരുമാനിക്കുന്നത് താനല്ലെന്ന് നയന്‍താര. നായകനെ നോക്കി അഭിനയിച്ചിട്ടില്ലെന്നും താരം തുറന്നടിച്ചു. സിനിമകളില്‍ നയന്‍താര അനാവശ്യമായി ഇടപെടുന്നെന്ന മാധ്യമപ്രവര്‍ത്തകുടെ ചോദ്യത്തിന് മറുപടായായാണ് താരം പൊട്ടിത്തെറിച്ചത്. നടന്‍ ആരെന്ന് നോക്കിയിരുന്നെങ്കില്‍ ചിമ്പുവിന്റെ കൂടി അഭിനയിക്കില്ലായിരുന്നു. തന്നെ മാനസികമായി തളര്‍ത്താനാണ് ഇത്തരം കിംവദന്തികള്‍ പടച്ച് വിടുന്നതെന്നും താരം പറഞ്ഞു.

ഇതുവരെ അഭിനയിച്ച ഒരു സിനിമകളിലും അനാവശ്യ ഇടപെടലുകള്‍ നടത്തിയിട്ടില്ല. കൃത്യസമയത്തിന് പത്ത് മിനിറ്റ് മുമ്പ് ഷൂട്ടിംഗ് സ്ഥലത്ത് എത്തുന്നയാളാണ് ഞാന്‍. ആദ്യ ചിത്രം മുതല്‍ അത് പാലിക്കുന്നു. ജീവിതത്തില്‍ ഉയര്‍ച്ച താഴ്ചകള്‍ ഉണ്ടായിട്ടുണ്ട്. അതിന് ആരെയും കുറ്റപ്പെടുത്തുന്നില്ല. പക്ഷെ, അനാവശ്യവിവാദങ്ങള്‍ എനിക്കെതിരെ ചിലര്‍ മനപൂര്‍വം ഉണ്ടാക്കുന്നത് എന്തിനാണെന്ന് മനസിലായിട്ടില്ല. ഉദയനിധി സ്റ്റാലിനും അഭിനയിച്ചപ്പോഴും അനാവശ്യ ആരോപണങ്ങളും വാര്‍ത്തകളും ഉയര്‍ന്നു. എന്നെ കുറിച്ചുള്ള വാര്‍ത്തകള്‍ കച്ചവടമാക്കുന്നതിന്റെ ഭാഗമാണോ ഇതെന്ന് സംശയമുണ്ട്. 

സിനിമയില്‍ മാത്രമാണ് ശ്രദ്ധിക്കുന്നത്. അതിനാല്‍ അനാവശ്യ വിവാദങ്ങള്‍ തന്നെ ബാധിക്കാറില്ലെന്നും താരം പറഞ്ഞു. തമിഴിലും തെലുങ്കിലുമായി ഒരു ഡസനോളം ചിത്രങ്ങള്‍ ചെയ്യാനുണ്ട്. അതിന്റെ തെരക്കില്‍ മറ്റ് കാര്യങ്ങള്‍ ശ്രദ്ധിക്കുന്നില്ലെന്നും നയന്‍സ് വ്യക്തമാക്കി. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha