സിനിമാ താരങ്ങളുടെ ചിലനിബന്ധനകള്‍ സംവിധായകര്‍ക്കും നിര്‍മ്മാതാക്കള്‍ക്കും തലവേദന സൃഷ്ട്ടിക്കുന്നതായി പലരും പറയുന്നുണ്ട്. മുമ്പൊക്കെ സെറ്റില്‍ സമയത്ത് വരാതിരിക്കുകയാണ് ചിലര്‍ ചെയ്തിരുന്നത്. പക്ഷെ ഇപ്പോഴത്തെ നടിമാര്‍ അങ്ങനെ അല്ല.

അവര്‍ കൃത്യസമയത്തു തന്നെ സെറ്റില്‍ എത്തും പക്ഷെ അവര്‍ക്ക് 6 മണിക്ക് ശേഷം അഭിനയിക്കാന്‍ ബുദ്ധിമുട്ട് ആണ്. കാരണം മറ്റൊന്നുമല്ല അഭിനയിക്കാന്‍ ഉള്ള മൂഡ് പോകുമത്രേ. 6 മുതല്‍ 7 വരെ കിട്ടുന്ന ഒരു പ്രത്യേക തരം വെളിച്ചത്തില്‍ ഷൂട്ട് വേഗം നടക്കും. നടിമാര്‍ ഇങ്ങനെ ഒരു തീരുമാനം എടുക്കുന്നത് കാരണം നഷ്ടം വരുന്നത് നിര്‍മ്മാതാവിനും ആണ്.

നല്ല നടിമാര്‍ ആയതുകൊണ്ടും കഥാപാത്രം അവരുടെ കയ്യില്‍ ഭദ്രം ആയതുകൊണ്ടും പലരും ഇതൊക്കെ സഹിക്കുമായിരുന്നു. ഓവിയ, ലക്ഷ്മിമേനോന്‍, സോണിയ അഗര്‍വാള്‍ എന്നിവരോട് ആറ് മണിക്ക് ശേഷം ചിത്രീകരണമുണ്ടെന്ന് പറഞ്ഞാല്‍ മുഖംകറുക്കും.

അതുകാരണം പലരും ഇവരെ നിര്‍ബന്ധിക്കാറില്ല. ഇവരൊക്കെ കൃത്യസമയത്ത് സെറ്റില്‍ എത്തും എന്നതും മറ്റൊരു പ്രത്യേകതയാണ്. പുതുമുഖനടിമാരില്‍ പലരും കരാറില്‍ ഒപ്പിടുമ്പോള്‍ തന്നെ വൈകുന്നേരം ആറ് മണിക്ക് ശേഷം ചിത്രീകരണത്തില്‍ പങ്കെടുക്കാന്‍ ബുദ്ധിമുട്ടാണെന്ന് അറിയിക്കും.

ചില നടന്മാരുടെ കാര്യം പറയുകയേ വേണ്ട. തമിഴ് താരം വടിവേലു 5 മണിക്ക് ശേഷം അഭിനയിക്കില്ല. വാങ്ങുന്നതോ ദിവസം 5 ലക്ഷം ആണ്. അത് ഷൂട്ട് ദിവസം വൈകുന്നേരം തന്നെ കിട്ടണം അല്ലെങ്കില്‍ കളി മാറും. പക്ഷെ നായകനടന്മാര്‍ പലരും കൃത്യസമയത്തു എത്തുകയും എത്ര രാത്രിവരെ വേണോ നില്‍ക്കുകയും ചെയ്യുന്നവര്‍ ആണ്.